薯仔炆排骨 (內附食譜)

近排我要食得清淡啲，所以又炆排骨，之前炆過冬菇，今次就用薯仔喇！

薯仔炆排骨

 

材料：(4-5人份)

排骨   616克 (1斤)

薯仔   2個

洋蔥(細)    1個

史雲新清雞湯   500毫升

水   適量(有需要才加)

 

做法：

1.  
薯仔切角，洋蔥切四方形。

2.  
爆香洋蔥，盛起。

3.  
炒薯仔至表面金黃，盛起。

4.  
排骨炒至表面金黃，加入薯仔、洋蔥炒勻。

5.  
倒入史雲新清雞湯剛蓋過面，蓋上蓋，若不夠就加清水。

6.  
用中火煮滾，轉小火炆1小時，即成。

 

貼士：

l   要間中攪拌，因為有薯仔好易黏底和燶。

蠔油冬菇炆排骨 (內附食譜)

我近日每晚都煮飯，已煮到唔知煮咩好，諗起平時做節老豆會炆冬菇，而老公好鍾意食冬菇，咁就冬菇炆排骨。
雖然呢個餸好簡單，但我都係第一次整，因為我對冬菇一般。
老公話好味，但蠔油味濃，咁咪啱囉！呢個餸蠔油都係主角嚟架嘛！呵~呵~
由於冬菇大隻，所以我一開二，方便食，所以冬菇唔一定開邊，可以原隻。
平時老豆一定落舊仔肥豬肉，我唔知點解，但我照落，下次問下佢先。

蠔油冬菇炆排骨

 

材料：

排骨     518克 (13両/0.8斤)

冬菇     8隻

肥豬肉     半隻麻雀大

 

調味：

蠔油     3湯匙

糖     1/2湯匙
老抽 少許

 

醃料：

糖     少許

豉油     少許

胡椒粉     少許

生粉     少許

油     少許

 

做法：

1.  
冬菇浸軟去蒂、開邊，蒂留用。

2.  
排骨先用糖、豉油和胡椒粉醃15分鐘，再落生粉和油撈勻。

3.  
爆香冬菇，盛起。

4.  
炒排骨至表面微金黃，再下肥豬肉、冬菇炒勻。

5.  
加水至剛蓋過表面，然後加調味。

6.  
用中火炆至水滾，再轉小火炆1小時，即成。

蒸水蛋 (內附食譜)

自小就好鍾意食蒸水蛋，尤其係我阿婆蒸既，又滑好味。
有好多人都係用史雲生清雞湯，但我呢個真係只用水，亦都不用調味。
多謝阿婆教我整，但當然冇阿婆咁好，但我都好滿意。

蒸水蛋

材料：8吋不绣鋼碟

雞蛋     2隻

熟水     3隻蛋殼

江瑤柱     適量

豉油     適量

熟油     適量

預備：

l   用熟水將江瑤柱浸軟，水留用。

l   不绣鋼碟掃油。

做法：

1.  
接近雞蛋頂敲開，蛋倒入碗內。

2.  
用蛋殼來量水，然後倒入(1)內。

3.  
加入江瑤柱發勻，全部倒入碟內。

4.  
用中火蒸1分30秒，打開蓋10秒，再蓋上蓋。

5.  
再蒸1分30秒，打開蓋10秒。

6.  
蛋面淋上豉油和熟油，即成。

貼士：

l   可以用江瑤柱代替水，唔夠先加熟水。

l   一定要用煲過的水來蒸蛋。

l   用匙羹孓走蛋泡，蒸完蛋面就滑滑。

l   豉油和熟油隨個人喜好，可以不加。

l   可以用細一個size的碟，但不可用再大一點的。

l   若不是用不绣鋼碟，就要自行留意時間和蛋的情況。

 

復活節‧鬆弛熊馬卡龍

之前興同事又係團購見到大家都有興趣想整既馬卡龍，雖然我自己都整過，但我想睇下有冇咩竅門，所以就約埋一齊整。
今日下午我有事，所以放假，大家約好在上堂附近的地鐵站等，我估佢應該未食野，所以我就買定野食比佢，邊行邊食。
班開7點，對我地來說是很趕，而且一定會遲少少，去到已經開始左。
嘩！一班有好多人，大家聽完和睇完阿Sir示範，咁我地就開始整。
其實，呢班係學復活節馬卡龍，但見有其他同學仔整鬆弛熊，同事見復活蛋形難整，所以佢整鬆弛熊。
阿Sir話我個漿攪得稀，所以叫我唔好唧咁大和厚。

用風筒吹乾，但初時不要將風筒放得太低，因為會吹到變形，吹到定形就可以入爐喇！
我既復活蛋出爐喇！裙邊唔靚、蛋身唔夠厚、有裂紋，仲要顏色又唔均勻，阿Sir話我撈既時候唔均勻。

裝飾係我既弱項，所以我晝得好肉酸，而同事既鬆弛熊好靚丫！

阿Sir個盒好靚丫！

咕臣

我為結婚時整左對咕臣，係我自己一針針繡上去架！