2012年4月28日星期六

大食會@Alex's Home

今日約好去Alex屋企開大食會,每人最少要整一款野食,我呢班朋友個個又煮得又食得,有佢地我平時唔出手就有得食,真係正。
我地未夠鐘食,所以一齊玩Wii,大家都玩得好開心。

今日既Menu


Alex包咖哩角,不是炸,而係焗,所以好健康架!
我除左整蛋糕,仲帶左尋日上堂整既〝日式芝士蛋糕〞,佢地個個都好滿意個蛋糕,另外,我仲係屋企整左〝蝴蝶酥〞和吞拿魚薯蓉,可惜薯蓉重手左,所以鹹左啲。
好明顯係外賣喇!

Ann姐之前去過餐廳食過呢款〝芒果雞柳沙律〞,所以佢又照板煮碗整,真係好味。

阿爺最拿手既〝洋蔥湯〞

Alex既烤豬肋骨
大眼哥哥和丁丁既〝韓式蔥爆牛肉〞
AL弟弟既〝魔鬼魚〞
緊係唔少得飲酒喇!

食飽到我既甜品出場喇!仲有大會提供既雪糕,今餐真係好滿足。


2012年4月27日星期五

日式芝士蛋糕

這個〝日式芝士蛋糕〞好好味丫!朋友都話呢啲先至係蛋糕架麻~正!

檸檬芝士凍餅 (內附食譜)

明天去朋友家開大食會,我就緊係整我最熟識的蛋糕喇!
大食會一定會食得好滯,所以我想整個清新啲既蛋糕,於是上網搵,被我見到整〝Grace~檸檬芝士凍餅〞。
大家都話好味,唔太甜。




檸檬芝士凍餅

 

餅底:

消化餅碎   65

牛油溶液     27

1.  
將牛油溶液加入餅碎拌勻,再倒入模中,平均壓實,然後放入雪櫃雪至凝固。


芝士饀:

淡忌廉   200

忌廉芝士     250(預早放在室溫解凍)

白砂糖     80

檸檬青     1

檸檬汁     半個

魚膠片     11

  3/4


做法:
1) 淡忌廉用電動打蛋機打至七成企身,放回雪櫃備用。
2) 忌廉芝士加入白砂糖用電動打蛋機打至滑身。
3) 將檸檬青及檸檬汁分幾次加入芝士中拌勻。
4) 魚膠片加入水中座熱水座溶。
5) 取出淡忌廉,分幾次加入檸檬芝士饀中拌勻。

6) 將魚膠水(水不要太熱)加入檸檬饀中快手拌勻。

7) 將饀倒入模中雪至少3-4小時。

8) 脫模,食得。


2012年4月21日星期六

2012年4月14日星期六

2012年4月13日星期五

海綿蛋糕

我和纖瘦小姐又報左毅進的〝西式糕點〞,逢星期五和六上堂。
阿Sir教識基本功後,有時自己負責自己既蛋糕,有時上堂又會大堆頭製作,咁你可以自行加入幫手打蛋、磅粉、洗野‧‧‧‧,或者企埋一邊。

2012年4月6日星期五

士多啤梨意大利芝士蛋糕(內附食譜)

今日入左正義家幫3月和4月生日的朋友攪生日聚會,入得去就緊係BBQ喇!
生日就緊係要有蛋糕喇!前日我整左個蛋糕,本書有教裝飾,但覺得好鬼麻煩,所以冇跟到,唔跟又唔知點裝飾,個腦不停諗~諗~諗~!
突然係食物箱見到有包粟米片,而且BBQ時又有好多小朋友來,我就構思左呢個裝飾,小朋友見到實開心,可惜今日有好多小朋友都冇來。
裝飾我覺得OK,由於早一日裝飾好放入雪櫃,我一直擔心的事出現,就係粟米片淋左唔脆喇!雖然如此,整體大家都好滿意個蛋糕。



士多啤梨意大利芝士蛋糕



 



食譜來自:精緻慕斯蛋糕



 



材料:



手指餅    10



 



士多啤梨意大利芝士餡:



淡忌廉    200



馬斯卡邦芝士    250



士多啤梨茸    40



   40



魚膠片    10



 



士多啤梨糖水:



士多啤梨茸    80



   60



   30



 



士多啤梨意大利芝士餡做法:



1.  
把淡忌廉用打蛋器打至軟雪糕狀備用。



2.  
把馬斯卡邦芝士和糖伴至滑身,徐徐加入士多啤梨茸拌勻。



3.  
把已浸軟及融化的魚膠片加入忌廉芝士餡快速拌勻,再放入已打起的淡忌廉。



 



士多啤梨糖水做法:



1.  
將水和糖煮溶後加入士多啤梨茸拌勻。



 



組合及裝飾:



2.  
手指餅浸在士多啤梨糖水中,然後排放在蛋糕模內。



3.  
倒入一層芝士餡料,再扎已沾濕的手拍餅平均排上。



4.  
再倒入另一層芝士餡料,鋪平放冰箱內雪至凝固。



5.  
脫模後噴上朱古力,放上士多啤梨和馬卡龍作裝飾。



 



貼士:



1.  
馬斯卡邦芝士不能在室溫待太久,否則會影響質感。



2.  
如選擇噴朱古力裝飾,蛋糕需要放冰箱凝固,才噴朱古力,效果更佳。裝飾後則毋須再放冰箱。