2011年7月28日星期四

結婚7週年

上年開始要返工,加上今年係平日,所以求其整啲野來慶祝就算。

沙律尋晚就整定,放工就去買蛋糕,返到家就立即炒意粉。


2011年7月23日星期六

雲石蛋糕

這個做法簡單,但要〝了〞個花靚都不是太易。


上面是纖瘦小的,而下面就是我的。



阿Sir



2011年7月16日星期六

忌廉班戟

阿Sir話整pancake,我仲以為熱香餅添!原來係呢款。


我不太喜歡朱古力,所以我冇加朱古力飾面。



阿Sir



 


2011年7月9日星期六

什果鮮忌廉蛋糕@考試

今日係第一次考試,但只不過係小考,考我其中一個弱項~刎餅。


這是我與纖瘦小姐的作品。








2011年7月2日星期六

白菌雞肉意大利飯 (內附食譜)

我都幾鍾意食意大利飯,上年買左盒意大利米,網上又唔多覺教人煮,而盒背都有寫,但我不是太想跟。


上次露營AL弟弟煮意大利飯,可惜我遲一日入冇得吃,佢比左個食譜我,原來佢跟〝為食貓~海鮮意大利飯


平時放假就出左街,居然今次一日都冇人約,所以終的起心挑戰意大利飯。


起初都擔心煮唔煮到呢,但煮煮下發覺與炒糯米飯差不多,跟住我就好有信心,結果真係成功。


老公胃不好,所以我不敢煮半成熟,其實,意大利飯係半生的,若你能接受的話,雞湯方面可以減少,最緊要煮既時候自己試下。



白菌雞肉意大利飯


材料:(3-4人份量)


意大利白米                 2


雞扒                             1


白磨菇 (切片)             1


史雲生清雞湯              600毫升


清水                             600毫升


細洋蔥 (切粒)             半個


蒜蓉                             1湯匙


橄欖油                         少許


蕃茜碎                         少許


                                少許


胡椒粉                         少許


醃料:


豉油                             少許


                                少許


胡椒粉                         少許


                                少許


做法:


1.           雞扒去皮切絲,然後醃一陣。


2.           燒紅鑊,爆香蒜蓉加雞絲炒熟,備用。


3.           用餘下的油炒磨菇,炒至開始出水盛起,備用。


4.           混合雞湯及清水煮滾,備用。


5.           意大利米洗淨瀝乾,備用。


6.           燒紅鑊加入橄欖油炒香洋蔥粒至金黃色,加入意大利米炒,盛一羹雞湯贊入意大利米飯內,炒至湯水收乾,然後再加一羹雞湯,以同樣方法再炒至收水。


7.           當餘下300清雞湯時,加入雞絲和磨菇同炒,直至到用完雞湯為止。


8.           加鹽、及胡椒粉和芝士碎調味,上碟,用少許蕃茜裝飾,完成。


整後記:


l           我睇漏眼,沒有將雞湯和清水混合煮滾,但都可以完成。


l           用料不同做法都會有別,要自己變通丫!


l           若你懂炒糯米飯,咁就可以不用擔心,做法都是一樣。


l           我這個食譜的意大利飯是全熟,正統的是半生熟,若你能接受就雞湯可以減,最緊邊煮邊試。


原味馬芬3 (失敗)

尋日做左阿茂,今日再繼續,因為每次開焗爐都好大工程。


上年係台灣買左本書,我見材料簡單,就跟住做,但覺得做法與平時不同。


書是用好大座的來做蛋糕,不知是否這原因,我根本做不到書的要求。


出來結果真係不理想,與書的不同,質感實,我要全部棄掉。


我估可能書印錯左,搵日要再做一次。



2011年7月1日星期五

伯爵紅茶曲奇 (內附食譜)

一連3日假期,而且又難得冇約,所以又開始阿茂生活。


我起身就整〝老婆餅〞,掃面蛋漿有剩,咁我就諗下整乜。


諗起之前見阿Grace整伯爵紅茶曲奇好靚,用蛋一隻,而我掃面都不是用好多,咁就唔駛嘥。


我見佢話茶味唔夠,所以用多左一個茶包,而唧咀與她不同,我用的〝SN7093〞。


曲奇好鬆脆,十分滿分老公比8分我,證明真係好食。



伯爵紅茶曲奇


食譜:(約40-45塊)


麵粉           10安士


室溫牛油       8安士


糖霜           4安士


             1隻


伯爵茶包       3個


熱奶           2湯匙


             少許


做法:


1) 將熱奶加入伯爵茶包中浸一陣, 然後壓出奶茶, 茶渣及奶茶分開留用.


2) 室溫牛油, 加入糖霜用電動打蛋機打至牛油變成淡白色.


3) 將蛋打散分幾次加入牛油霜中拌勻,再將奶茶加入拌勻.


4) 伯爵茶渣加入牛油霜中拌勻.


5) 再將已過篩o既麵粉, 鹽加入輕輕拌至無粉粒, (唔好拌太耐, 無粉粒就可以收手)


6) 將麵粉糰倒入唧袋中, 唧在牛油紙上.


7) 放入預先以180度預熱o既焗爐入面焗20分鐘或表面金黃即可. (由於每個爐o既溫度唔同, 所以只要焗到曲奇表面金黃就得 o架喇 )