雲呢拿忌廉雜果撻

撻皮內部不夠深，還有待改進。

我與纖瘦小姐的作品

阿Sir

台灣之行 2011@Day 5

時間飛快，最後一天喇！真係唔想返香港，由於3點幾就要到機場，要爭分奪秒。

我地由酒店坐的士去〝江記華隆〞幫娣婦買豬肉紙，司機指住對面就係，但周圍睇都唔見，原來呢到係迪化街31號，而〝江記華隆〞係迪化街311號，應該司機睇錯左。

當日天氣好熱行左幾條街先到，邊行邊影相，見行得咁辛苦我自己都買返盒先得。

返酒店放低野立即再出動，書介紹既甜不辣冇時間搵，就求其搵一間。我不太歡喜這間的汁，它是用南乳整，書的是辣汁，老公話魷魚羹士林好食好多。

MK小姐介紹我去〝美華泰〞，這間係Supermarket有野食、生活、化妝和護膚品買。

行過對面馬路就會搵到〝雪王冰淇淋供應中心〞，我以為好特別，但其實都不是，不過店員就好細心和貼心。

綠茶雪糕(烏龍茶)，我梗係要特別D喇！我要咖哩雪糕，原本想試埋〝豬腳〞，係我猶疑既時候，店員拎左一杯未吃完的雪糕同我講，頭先有香港人叫的，豬腳雪糕會有點豬皮和油，最後我都係冇叫。

這間是新開的，落機時見到有好多人幫襯，價錢算平，可能這原因所以質素唔得。

返酒店執行李，再存放係酒店，行多陣就去機場。係機場又冇野做，又去左Buger King食野，上機又再食。

兩個喼差D過磅。

戰利品

台北之行 2011@Day 4

今日全日都係食，有高妹帶住真係得心應手，夜晚仲約左高妹朋友一起吃飯。

〝成都楊桃冰〞旅遊書有介紹，但我一D興趣都冇，不過，高妹佢好鍾意食，台灣只此一間，有好多台灣人都來吃，仲要冬天都有人幫襯。

比想像中好，不過老公話楊桃冰酸，我就唔覺，反而我覺得鳳梨冰甜，這是我地第一餐，係咪好特別呢？早餐吃這些。

下站〝鼎泰豐〞

A菜：愛心小姐和纖瘦小姐極力推介，我不喜歡吃菜都覺得好味。

小籠包：冇乜特別。

去〝Dazzling Cafe〞路過〝魔菇〞，我好鍾意食爆谷，當然入去行下。

高妹話〝魔菇〞係網上紅起，然後開舖的。大包買來做手信，我仲買左box set比自己，因為一盒內有5包，比普通的細一半。另外，仲有桶裝，爆谷開左後要兩星期內吃完。

〝Dazzling Cafe〞不論什麼時候都係勁多人，好在頭先一到就去登記，然後再去逛街。之前我地1點幾去到，店員話大約3點再回來等，所以大家要試就記得登記左先喇！

好特別，而且會有人幫你拆開個吐司，服務一流，好似話這種吐司係由日本傳入。

晚飯約左高妹既朋友，佢地帶我地去左〝忍者餐廳〞，話仲有〝醫院餐廳〞。

餐牌都好忍者feel

不論男女店員都係忍者裝束

之後又去左飲野

戰利品

台北之行 2011@Day 3

上次來台灣我已經想試〝蛋蛋屋〞，但老公對蛋冇乜興趣冇試到。

尋日早經過高妹話可以不試，因為冇乜特別，我真係我想試，所以唔理去試下。

雖然不是特別，但都可以去試試。

老公order的，漢堡好味。

我的，但估不到是蛋蓋住飯，雖則如此，但味道都不錯。

奶茶不及香港，好淡味。

一出捷運行出商場見到有好多人舉起相機，又或者企定定，原來係大家睇彩虹，應該係係我地坐捷運時落過雨，雨後彩虹好靚丫！

〝空中廚房A380〞愛心小姐和纖瘦小姐都去過，佢地都介紹給我，但我忘了打落行程表，結果給我遺忘了。今次我記得加落行程表，終於嘗到喇！

成間都好似飛機倉咁。

由於晚餐吃自助餐，而這餐與晚餐很近，所以我地order左一個餐。

來左2個湯和包，我地國語不好擔心弄錯，一問之下原來係送給我們的，可能知我地係遊客。

肉質OK，配菜擺法好得意。

甜品老公都滿意。

食飽就去買〝查理布甸〞，因為我地去錯館，又趕住去吃自助餐，冇高妹係到真係難搵。

〝上閤屋〞食自助餐，成3百幾蚊港弊，真係把鬼，試一次就夠。

平時冇蟹食，因為老公對蟹敏感，自助餐有梗係食喇！

頭先自助餐冇乜好食，我地又去買宵夜返酒店食。