之前整過一次，但魚膠片用多左變成〝益力多士多啤梨乳酪布甸蛋糕〞。
上次益力多和乳酪味都唔夠，所以要搵日再試下。
尋晚我就動工，大頭蝦和心急的我攪到餅底淋左。
大頭蝦：忘了將魚膠水混入益力多乳酪內，脫模時見到有D係餅底。
心急：餅底雪左一陣就倒慕絲。
撇除餅底，慕絲好味，娣婦讚好，一吃就知係有益力多，又帶點酸~好。
再接再厲下成功了，我會再努力研究，整多D蛋糕。
益力多士多啤梨乳酪蛋糕
餅底材料：(6吋模)
消化餅 4塊(60克)
牛油溶液 25克
餅底做法：
1. 將消化餅壓碎，加入已溶的牛油混合，壓在蛋糕模內，放入雪櫃冷藏一會，備用。
慕士餅材料：
士多啤梨乳酪 300克
砂糖 52克
益力多 2枝 (200克)
淡忌廉 150毫升
魚膠片 13克
慕士做法：
1. 魚膠片浸軟，然後隔水座溶。
2. 用電動打蛋器將淡忌廉加糖打至6成，備用。
3. 士多啤梨乳酪和益力多攪勻，再將(1)加入攪勻。
4. 將(4)加入(3)內，倒入慕絲圈內。
5. 將(5)冷藏1小時，脫模。
纖瘦小姐和L先生多年前帶過我去位於粉嶺〝爵士拉麵〞，我覺得好味。
之後都帶老公和其他朋友去試，佢地都話幾好。
今日放學後，我兩公婆和纖瘦小姐、L先生一齊去〝爵士拉麵〞。
咁多年冇來，全部野都冇變，但水準就好似差左D。
不過，唔係唔好吃，只係普通左啫。
〝爵士拉麵〞老闆係日本人，亦都係由他親自操刀，有好多人專誠渣車來吃。
舖面積很少，所以一班人去的話就不用去。
果到好似得約20個位，都好擠迫下，大多人都係食完就走，不會坐太久。
果到得5款拉麵，小吃種類亦不多，但人流就好多。
湯底有3款，札幌味噌湯底、東京醬油湯底、辛味噌湯底，任你配。
若要幫襯呢間要事先打去問下，因為每日營業時間很短。
地址我唔知，但可以打去問下地址和有冇位，電話：2676 9348。
雜錦拉麵配辛辣味噌湯底：我與纖瘦小姐
芝士餃子
芝士餃子
炸雞(5件)
今日上包餅堂，全日都係廚房。
全日喎~緊係可以整多D款喇！平時半日都整到2款包。
上午整兩款港式甜麵糰，腸仔包、雞尾包。
下午兩款鹹麵糰，豬仔包、芝士蒜茸包。
除4款包外，仲整左老麵糰，放雪櫃低溫發酵。
每次麵糰都係用機搓，我想學下用手搓。
上晝我就問Miss幾時教用手搓呢？Miss就即刻話咁下晏就用手搓包。
雞尾包一直都想整，但飾面又要用墨西哥油，份量少難預，今次可以償心願。
雞尾包~傳統唧法(飾面)
雞尾包~飾面唧左〝S〞
雞尾包~傳統唧法(飾面)
雞尾包~飾面唧左〝S〞
麵包好鬆軟
腸仔包
腸仔包
腸仔包
腸仔包
豬仔包
豬仔包
芝士蒜茸包
芝士蒜茸包
芝士蒜茸包
芝士蒜茸包
芝士蒜茸包~飾面醬唔夠，所以只係加左芝士碎。
芝士蒜茸包
今日我有點事，所以冇返學，相係由纖瘦小姐操刀的。
〝墨西哥〞我係08年已整過一次，賣相就冇Miss教既咁靚。
我有時間的話又要試下用Miss個食譜，Miss話齋唔同人有唔同做法架嘛！
墨西哥包
墨西哥包
吉士忌廉包
吉士忌廉包
吉士忌廉包
今日我地兩公婆、纖瘦小姐和L先生又再北上。
我地目標好清晰，而且計劃好行程，所以進行得好順行，唯獨纖瘦小姐買唔到燈。
首先去〝家合居@深圳〞，因為我有多醬料和香料，我要買多個調味料架。
另外，我買多一pack勾，我發揮師奶本色，叫佢送多2隻比我，呵~呵~。
深圳既架比香港平一半，有D仲唔止添啵！
L先生係愛魚之人，所以就去〝洪湖水族街〞睇魚，唔知係咪lunch，所以冇野睇。
每次北上都想去〝Wal-Mart〞，但次次都唔夠時間，今次終於去到喇！呢間係〝洪湖水族街〞旁。
Wal-Mart有灣仔碼頭水餃買，一pack有69隻，都係買RMB28.7。
我的戰利品@Wal-Mart：全部合共RMB87.6。
Snickers：一packRMB9.9，仲要有兩粒3A勁量送。
百力滋：RMB4.9
孜然粉：RMB4.2
乾蘇餅：RMB4.9
韓式辣椒醬：RMB16.3，我可以醃泡菜喇！
掃完貨去東門整窗簾，然後去醫肚。見〝番番拉麵〞係連鎖店應該穩陣，就入去試下。味道幾好，價錢又唔貴，不過，就唔準影相，我都係影影下先知，其後都係偷偷影架咋！
檯上擺左個星座運程機，但就要入錢囉！
〝番番拉麵〞個Logo好似〝味千拉麵〞。
九州牛肉面：RMB23 (老公)，牛肉好似五香肉丁，而麵質亦有香港水準。
濃情夏日冰果：RMB12，好飲，佢地飲既冇乜特別，所以冇影。
飲完再去〝廚安居〞，途中見到兩隻警犬，睇下佢地熱到。
我的戰利品@廚安居：RMB31
纖瘦小姐的戰利品@廚安居：RMB31
我除左見烘焙有興趣，都好熱愛烹飪架！再落多兩層，再買過，纖瘦小姐都有買架，但我冇影相之麻。
回去取回窗簾後，就去尾站〝深圳書城〞，真係抵到嘔。我果本曲奇書係為了老公，若果唔係三十幾蚊就攪掂，而家要係七十幾。纖瘦小姐都買左兩本，就係除曲奇書外果兩本。
我地由福田返港，香港過關後就見到佢喇！好可愛丫！
大家想知地址就去以下地方搵：
廚安居地址：玩樂‧購物@回歸下集 (1‧7‧2008)
家合居：家合居@深圳
深圳書城：玩樂‧購物@回歸下集 (1‧7‧2008)
