2010年3月31日星期三

迷你鹹牛肉麵包 (內附食譜)

今日唔止跟L先生整泡芙,我仲與纖瘦小姐攜手合作整麵包,正因如此,今早9點就入到粉嶺喇!


麵包要發酵幾次,用好多時間,所以就整先。食譜係可以整12個普通size,但纖瘦小姐鍾意食迷你,所以就整左好多個。


我不太喜歡鹹牛肉,因為覺得好似生咁,而纖瘦小姐就鍾意,但估唔到原來味道都幾好啵!




迷你鹹牛肉麵包


材料:(29)


高筋麵粉                 454


吉士粉                     70


速發酵母                 9


                             1


                             85


                             250毫升


奶油                         35 (室溫稍微軟化)


鹹牛肉餡材料:


鹹牛肉                     1 (340)


洋蔥                         1


做法:


1.          爆洋蔥,加入鹹牛肉慢炒至熱,盛起備用。


2.          將所有材料放在攪拌缸中混合均勻或用手搓,再攪打或用手搓至筋度擴展階段 (光滑有彈性、麵糰有薄膜)


3.          讓麵糰表面都沾到油以保濕,蓋上源布巾,放置溫暖無風處,發酵60-80分鐘,用手指沾麵粉插入麵糰,指印凹處不太會彈回來即可。


4.          秤麵糰重量30克,將麵糰平均分割。


5.          將麵糰個別滾圓,包入餡料後,蓋上保鮮紙,鬆發酵60分鐘。


6.          入烤箱用200度烤約10-15分鐘或至熟,出爐立即放網架上至涼。





L先生的泡芙

上星期纖瘦小姐和L先生來我家,L先生教我整泡芙,可惜唔知咩原因失敗左,所以今日就轉移去佢地家整,咁就成功嘞!雪凍左仲好味。



上次唔係好空心,今次就空喇!



點解要空心?因為吉士醬要由底唧入,所以唔空心係唧唔到架!



2010年3月24日星期三

白酒啫喱@切件

我見有白酒和生果,所以尋日我又整左白酒煮啫喱


今次整第二層時都有點擔心,因為又係唔多凝固。


一直好擔心,直到夜晚我脫模,嘩~今次掂丫!三層都凝固到。


我可以一件件切出來,覺得有點像我喜歡的〝拿破倫〞。


今日纖瘦小姐和L先生來我家教我整〝Puff〞,但出了點意外,再約下星期整過。


纖瘦小姐品嚐過白酒煮啫喱都讚,十分滿分有8-9分,我真係好開心。



2010年3月21日星期日

Augur-7 Pizza House@Cafe

今日為三月之星~熊貓和開心果慶祝,我心中慶祝地方目標為樓上Cafe。


我係網上睇到〝Augur-7 Pizza House@Cafe〞的評語不錯,所以就book,但要waiting list,最後都有位。


這裡只可容納二十幾至三十人,雖然地方不算大,但環境都可以,洗手間又乾淨,而且又有遊戲玩。


全部都是套餐,每位只要88蚊就可以有野食和飲品一杯,若要特別飲品只要加10蚊就可以。


份量按幾多人來供應,但一定夠吃,食物質素有些好,有些一般,整體都可以。大家都飽到有點吃不消,下次可以再來。


店內職員又會詳細向你講解有疑問的地方,又會與你傾計。



一入門口右邊就有好多Game玩喇!



店內職員給小朋友玩具。



吞拿魚螺旋沙律:亦有蕃茄沙律選擇,店員推介〝吞拿魚螺旋沙律〞,真的好介紹,個個都讚好。



芝士蒜蓉包



酸忌廉薯條:選這個是為小朋友,所以冇選〝香辣脆薯皇〞,估唔到有兩兜,味道都OK架



吉列炸帶子:普通野。




A7豪華至尊酥皮薄餅:薄薄的餅底,好脆美味。


 

日式豬軟骨餃子:我鍾鍾意食豬軟骨,〝雜會蜜汁燴腸腸〞落選了,每啖都有菜和軟骨。

 


 

蜜汁雞翼


 

香草雞翼



辣辣冷麵:即係〝元綠〞果隻,但份量真係好多,味道淡了些,但都一樣咁好味。



西班牙茄汁蘑菇煙肉意粉:大家都好飽,我和其3個朋友試左少少,若果唔係飽一定食得晒


平分左兩包,我與同屋住老婆每人拎一包取走,這裡冇外賣盒,是用錫紙包裹。



飲品大部分味道都唔錯,有些普通的飲品沒有影,只影特別的。


熱情果沙冰:美味。(我)



唔知蜜桃什麼 (開心果)



特濃咖啡:應該係小小杯,一啖多D,但店職解釋了,因為有次不懂飲的客人說〝份量太少〞,還給人罵,自此就係咁大杯喇!(高佬、同屋住)



名字忘了,係可樂冰,加啫喱,可樂味淡~麻麻。(YY)



提子梳打:梳打上有士多啤梨雪糕,加上cream,味道好OK。(老公)


店名:Augur-7 Pizza House@Cafe
電話:2770 7199
地址:旺角登打士街44號恆隆大廈44室
營業時間:星期一至四:1500-0100;星期五、六、日及公眾假期:1500-0200


充實的一天

早排開心果睇完阿蘇介紹川龍飲茶,就立即致電給我,咁我就計劃一下。


今日行程非常充實,首先去川龍飲早茶,然後去探至Fit的囝囝,夜晚就為三月月之星慶祝生日~開心果和熊貓,熊貓今日發生左兩件事,都唔知係好定唔好。


早上7點半集合,去到荃灣約8點,再坐十分鐘小巴到川龍。


小時候老豆揸車帶過我地去川龍飲茶,之後都有與朋友去過,覺得沒什特別,雖然我覺得唔特別,但大家都未去過,所以就去試下。


老豆朋友有時仲會送川龍出名的〝西洋菜〞給我們,我又係覺得冇乜特別,可能係我不懂欣賞。


這裡有兩間酒家,朋友話有雀籠的比較好,幸運地好快就等到位。全是自助形式,點心一出就一掃而空,要鬥快,手快有手慢就冇,真係要搶架!我呢位師奶緊係有份參與喇!


 



老公話雞札既雞有雪味,而粉果唔好食,但我地就覺得OK啵!我估老公話唔好食既原因係餡係齋,對於食肉獸既佢緊係唔好食喇!我地要左兩碟,有一碟皮有少少唔熟。



牛肚好入味;炸饅頭油不多,都係好味。





這些就是排隊等腸粉,只要你大聲落order,廚房內的師傅就會幫你整,佢一次過處理3款腸粉,所以都好快就有。

 

我唔知係咁既形式,所以冇諗定,但腸粉就一定食叉燒,另一碟要咩好呢?聽到人叫齋腸,一心以為內裡有羅漢齋,點知真係乜都冇,即係淨腸粉,腸粉好滑。


我地約一小時內食左咁多碟,都只不過係$258,每個人都吃得飽飽。



臨走時影,這個炸物點心櫃之前係滿滿的,但眨眼之間就變成‧‧‧



燒燒鵝/鴨的地方。



阿蘇介紹左一檔野,我就係果到遇到十多年冇見的朋友,忙著傾談,所以忘了影相。朋友們就買了她的〝雞骨草〞,飲完有點回甘的感覺,好似羅漢果的甘,但開心果話沒有羅漢果的。

 


我都用手試過這山水,真的很清涼。



我地食飽就去行下西洋菜田。



川龍內的〝梯田〞,雖形式沒內地的大,但在香港都難得一見。



沿西洋菜田行〝城門引水道〞,途中遇到3位中年婦人為筍去衣,傾談間原來是竹筍,從地剛長出來,用來炆豬肉好好味。


雖然竹筍BB被拔了出來,若今晚落雨的話明天又有架喇!而且拔過長得仲美。


這條已經不能吃,只是剛長出才可吃。



嘩~頭先係睇竹筍時高達被咬了,長了一個小山丘。



伯伯很利害耶!他在引水道取山水,然後又拿住2盎水上來,注意沒有正常的梯,只靠在牆上幾個〝U形〞鋼筋爬上來的。



石上的手。(手→樹枝)




睡在屋頂上,懶洋洋的貓兒們,還有兇惡的猴子。



沿西洋菜田行由〝城門引水道〞變行〝龍門郊遊徑〞,行左差不多3個小時,終點在城門水塘燒烤場入口,在入口有小食亭。


行到好熱就買了菠蘿冰〞,小時候的零食,但我通常吃的是〝木瓜〞,很懷念。



城門水塘燒烤場入口一向都有好多人等小巴,所以我地抖完唔等小巴,直接行落〝石蔭〞搭巴士去同屋住家集合食lunch。


美心吃lunch,熊貓食左兩啖發現一隻比豆豉還要大的〝蒼蠅〞(湯匙內)。經理問熊貓想食乜?尤如貴賓一樣。我地見此就夾錢比熊貓去買六合彩。



起初去到至Fit家囝囝都睡著,後來就被攪醒,囝囝有好多表情,我地臨走BB又睡了。


薑醋甜了少少,我只吃蛋,但雞酒我就不嗜,所以唔知咩味,逗留約1小時就去食晚飯。



我地行去食飯途中,熊貓又中獎喇!她在我與高佬中間同步前行,但唯獨她一人中〝雀仔便便〞,仲要兩篤,真係幸福極了。


晚飯請到Augur-7 Pizza House@Cafe