2009年11月30日星期一

露營@11‧2009 西貢灣仔

過去的星期六和日我與朋友們去左露營,目的地又係西貢灣仔。今次有十幾人,仲有小朋友添啵!我地分左兩批人入,第一批係星期五已入去札營,第二批就星期六先入,而我就係後者。


星期六,早上四點我已起身整〝老婆餅〞,然後十點半係西貢百佳等,然後入貨和補給。我可能前一晚只瞓得兩個鐘的關係,所以當晚係去咁多次露營最好瞓的一次。


我地開左兩個大營,而另一個小的蒙古包就係小朋友瞓,係佢地親手起架!咁當然有人從旁教導喇!



呢兩個係早一日入的朋友整,用來掛燈。



朋友係船家的魚排買回來的〝藍花蟹〞,非常新鮮又多汁又多肉,今次仲平過之前,只要180蚊就有20隻。



有D仲有膏添!



除左蟹,仲有黃立倉和黑立。



我地有蟹、魚和杯麵做午餐,吃飽飽朋友們就去釣魚,可惜佢地組成左一隊〝白果隊〞。



晚餐打邊爐。



一鍋清湯,而另一鍋就係〝羊腩煲〞,〝羊腩煲〞尋晚佢地已燜定,我唔食羊,但見佢地食得津津有味就知味道喇!



食飽又飲杯紅酒先。



第2朝,契大佬和AL弟弟烘熱兩隻老婆餅來吃,大家都讚好。



AL弟弟煮通粉,契大佬就煎午餐肉和火腿,合併埋就係火腿通粉,仲有豆豉鯪魚做餸,我和另一位朋友都有做助手架!老公冇食早餐,因為佢仲瞓緊。



突然走左隻狗來,A小姐請左佢小小午餐肉佢吃,狗主都唔介意,狗主話出到來就乜都比佢食,仲話有野食佢可以企好耐。



AL弟弟煮〝番茄濃汁意粉〞,我已寫低晒材料和步驟,有機會就可以試下喇!



嘩~睇下幾美味,又睇得又食得。



尋晚打邊爐剩下金菇,而〝番茄濃汁〞又唔夠,所以契大佬就來一個中式炒意,加甜豉油、辣椒油和金菇同炒。



中式炒意好味,帶點辣味~正。



2009年11月21日星期六

榛子芝士蛋糕 (內附食譜)

我都有一段日子冇整包餅,尋日茜茜和迪迪媽來我新屋,所以前日我諗住整趁機新野,等大家一齊消滅它,平時得我一個好難。


我見有榛子粉,就揀左呢款慕絲蛋糕,雖然一齊分享,但都怕吃不完,所以由食譜8吋改為左6吋蛋糕,但係始終都係冇吃到,因為到走既時候都係忘記左它。


今日我就切了一件做早餐,其貌不揚的它以為唔好吃,但原來味道都不錯,可惜老公唔吃蛋糕,得我一個都唔知點攪掂它,可能最終都要請垃圾桶食。



榛子芝士蛋糕


食譜來自:精巧甜品 DIY2


預備:


l          6吋餅模圈以牛油紙包褢底部。


l          忌廉芝士置室溫下軟化。


l          魚膠粉加水隔熱水座溶


鬆酥皮餅底材料:


麵粉                         68


牛油                         34


                             17


                             1/5


鬆酥皮餅底做法:


1.          已篩麵粉、糖和室溫牛油搓成粒狀。


2.          加入蛋液搓勻。


3.          以保鮮紙包好,冷藏30分鐘。


4.          取出以擀麵棍將麵糰碾平至略大於餅模。


5.          在麵皮上放上圈形餅模,撕去多餘部分。


6.          戳小孔。


7.          180度焗約15分鐘,待涼。


材料:


忌廉芝士                 141


鮮忌廉                     141毫升


牛奶                         141毫升


                             68毫升


榛子粉                     45


                             42


魚膠粉                     14


蛋黃                         1 1/2


做法:


1.          忌廉芝士加入糖,以打蛋機打至軟滑,再加入蛋黃續打至均勻。


2.          留下少量榛子粉作飾面,其餘加入牛奶拌勻,輕輕拌入芝士醬中,再拌入魚膠溶液。


3.          鮮忌廉以打蛋機打至八成鬆發,徐徐覆入芝士醬中拌勻。


4.          酥皮鋪在餅模圈內,將芝士醬倒在酥皮上。


5.          冷藏4小時,脫模,灑上榛子粉,切件享用。





舊朋友相聚@新居

茜茜嫁左去法國後,第一次回港,因為佢要為下個月在香港擺酒作準備,而她的老公會在下月初才來,所以今日我、茜茜和迪迪媽來我新居相聚,尋日已整定一個慕絲蛋糕來招呼她們,可惜到佢地走都忘記左它,而今日早上我都整定老婆餅來款待她們。


我地除了相聚外,仲有我要教迪迪媽整老婆餅,而迪迪媽就教我鈎公仔,我只學識左起針,其他一切要遲D有時間再向她請教。


我地大家互相討教後就開始閒談,又睇番以前既相,真係3個女人一個虛,我地嘈到拆天,笑到牙關都酸痛。


今晚會吃最快和方便的火鍋,買野時我擔心會吃不完,到擺上檯後又擔心唔夠吃,最後都夠吃,仲吃剩幾舊蘿蔔。


迪迪爸的娘家係我家附近,所以迪迪爸和迪迪仔係娘家吃完飯先來,我地吃完火鍋後又再一齊睇相,大家相聚到十點幾就散。



2009年11月13日星期五

芝士忌廉意粉 (內附食譜)

我搬家一個月以來,平時晏晝都係煮下〝公仔麵〞,或者一時興起去買下雞吃。今日係第一次係lunch方面攪攪新意思,此因我尋日病左瞓足全日,只係食左幾塊餅和半碗麥皮,而雪櫃又有淡忌廉和芝士,所以今日就攪攪新意思煮左〝芝士忌廉意粉〞,用此來補償一下喇~哈~哈~!



芝士忌廉意粉


材料:(1人份)


意粉                            半份


椒鹽                            少許


熟水                            1湯匙


淡忌廉                        2湯匙


芝士                            1/2


橄欖油                        1茶匙


Oregano (飾面)           少許


做法:


1.          燒熱鑊和橄欖油,再下意粉和椒鹽兜炒,試味。


2.          將熟水和淡忌廉加入意粉內,炒勻熄火。


3.          然後加入芝士撈勻,再灑上Oregano即成。


心得:


l            芝士和香草隨個人喜好。


l            要趁熱吃,因為芝士加上忌廉放涼後會好〝杰〞。


l            若在煮既時候覺得〝杰〞,可以再多少水。


2009年11月8日星期日

學校秋季旅行2009@香港公園

6 November 2009


阿B第一次學校去旅行,目的地就係〝香港公園〞。今次我、老公和娣婦都一同前往,lunch慣常都係自備,所以我就整滷水雞翼、丸類和三文治。


一早就回娘家一齊吃早餐,然後再回學校集合,在旅遊車上玩遊戲送禮物,落車後在羅馬廣場集合,影下集體相和遊戲。


回程沒有跟大隊回學校,我地帶左阿B去新屋玩,再吃埋晚飯先走。


若果叫阿B擺Pose,就是這樣喇!





同學仔請架!



執地上的落葉。



玩樹葉都一樣咁開心。



集體遊戲~大兵步操。



集體遊戲~搵動物。



雖沒有與其他同學玩,但會觀察和模仿。



預備吃我整的食物。



我的減肥成績@10‧2009

燃燒指數:+0.8磅                    燃燒總數:16.2磅


燒脂指數:0.5%                       燒脂總數:3.3%


我在10月已進駐新屋,自始就每晚等埋老公先吃,唔等又好似唔多好,因為這個係完完全全屬於我地二人的家,所以夜食都要等。


在這個月裡磅數有升有跌,但覆度都不是太大。現在放開了點,以前磅數上升的話,心就成日諗點解點解會咁既呢?我明明都與往常一樣,令到自己會好緊張。


我而家身處這情況~一定要夜食,心態有點改變,而家我不會太刻意去減,但又不會放肆自己,就讓一切順其自然吧!


九龍城寨公園

4 October 2009


今日係高達生日,夜晚會一齊吃食慶祝,
而晏晝就去左〝九龍城寨公園〞影相,可是〝九龍城寨公園〞沒有什麼特別,
所以都不是太多相。






新屋遊樂場

4 October 2009


今日阿媽和阿婆來我新屋〝拜四角〞,阿B又要跟埋嚟!
拜完就帶阿B落公園玩一陣,咁啱晏晝又約左影相有相機,
所以就幫阿B影下相先。


阿B玩到唔捨得走,公園對小朋友來說真係有很大的魔力。





 







賞月@中秋節2009

3 October 2009


今年中秋節與肥阿哥和阿嫂朋友們一齊BBQ和賞月渡過,
而且男士們都有共同嗜好~就是攝影,所以大家都帶備相機準備〝追月〞。
我見此就相約埋高佬和高達一齊到來,但佢地要各自做完節先來。


小時候我已經好很想影到光的縱影。
今次要多謝肥阿哥借支鏡和教我影,雖然我的技術未到家,但都總算影到。





這幅係肥阿哥朋友影架!