上星期去書展買左〝師傅開飯〞係蘇民峰與他的女朋友攜手合作，我見有教我與老公都鍾意既〝羅宋湯 Borsch〞，就諗住係今日特別日子煲。
老公添飲又添飲，佢不單喜歡飲，而且單這湯已給我8分，湯剩太多飲唔晒又唔准我倒，而家存放係雪櫃，總之佢就好鍾意喇！不過，這湯應該不是正宗，因為沒有加香葉。食譜話係〝2-4位用〞，但我覺得足夠5、6個人飲，所以若果得2個人飲，就要飲多餐喇！
羅宋湯 Borsch
食譜來自：師傅開飯
材料：(4至6位用)
牛肉或牛坑腩 6兩
番茄 5個
紅蘿蔔 1個
馬鈴薯 2個
椰菜 半個
洋蔥 1個
茄膏 (細) 170克
清水 10杯
調味料：
鹽 適量
做法：
1. 牛肉洗淨，切塊。
2. 番茄洗淨，去蒂、切角。椰菜洗淨，切絲。
3. 紅蘿蔔及馬鈴薯去皮，洗淨，切角。
4. 洋蔥去外衣，洗淨，切塊。
5. 燒熱油，下洋蔥炒香及軟身，加入牛肉炒片刻，下茄膏略拌，注入水，下其餘材料煲滾，調至小火煲約1小時，下鹽調味即成。
雖然今日係結婚5週年，但我都冇煮什麼特別野，只係整左一碟碟頭飯，就係〝日式咖哩牛腩飯〞，咖哩仲要係用現成咖哩磚。
我用〝巴西牛仔腩〞不用燜太耐都腍，可惜有筋，所以老公話靭，但我偏偏喜歡吃筋，冇筋既地方就腍。
我不懂煮飯，所以係街帶左個〝靚仔〞回來，然後加蛋炒，這碟飯老公給我6分。
日式咖哩牛腩飯
材料：(3-4人份)
巴西牛仔腩 474克
薯仔 1個
洋蔥 1個
甘筍 145克
調味料：
日式咖哩磚 1盒
水 700毫升
胡椒粉 少許
做法：
1. 牛仔腩洗淨，切件。
2. 紅蘿蔔及薯仔去皮，洗淨，切角。
3. 洋蔥去外衣，洗淨，切塊。
4. 燒熱油，下洋蔥爆香，加入牛仔腩和胡椒粉不斷爆炒。
5. 加入其餘材料，注入水蓋過面，加入咖哩磚攪溶。
6. 待滾調至小火燜1/2小時至牛仔腩及汁液濃稠，試味後配以白飯享用。
煮後心得：
l 要不時攪拌，以免燶。
老公鍾意食曲奇，尤其是〝藍罐曲奇〞，但我仲未有咁好技術，希望有朝一日可以整到〝藍罐味〞比佢吃。
上星期係書展買左一本〝我的第一本餅乾入門書〞已經手癢，就趁今日特別日子整比老公吃，做法和用料都好簡單，又鬆又脆真係唔錯，不過，老公食到好飽，所以都未試食。
食譜放高層焗，我照放，但擔心終於出現，真係燶燶地，所以之後都係放中層，放中層一樣焗到冇問題。
酥鬆性小西餅
食譜來自：我的第一本餅乾入門書
材料：
無鹽牛油 180克
糖粉 80克
全蛋 50克
低筋麵粉 220克
奶粉 20克
做法：
1. 無鹽牛油軟化後，加入過篩後的糖粉打至鬆發變白。
2. 蛋打散成蛋液後，分2-3次加入作法 (1) 中攪拌均勻。
3. 將低筋麵粉和奶粉過篩後，加入作法 (2) 中拌勻，即為酥鬆性麵糊。
4. 在烤盤上鋪上烤盤布，將作法 (3) 的麵糊裝入擠花袋中套上菊花嘴後，整齊的擠在烤盤上，再放置烤箱中層，並以180度烤約20分鐘即可。
今日係我與老公結婚5週年紀念，平時生日、拍拖或結婚週年紀念日老公都會請假，可惜近年老公公司好忙，忙到星期六要返工，有時連星期日和公眾假期都要返，所以今日冇請假，但我叫左佢星期六不用上班，就要陪我補數。
我都係前日先諗到煮什麼，尋晚問左老公〝食唔食甜品？〞，佢話唔吃，仲好我慳返。今朝8點幾起身預備晚餐，其實今次都冇特別煮咩，只係簡簡單單煮一餐算。
今日我煮既〝日式咖哩牛腩飯〞和〝羅宋湯〞用料都係一樣，一早煮好只要臨食前番熱就可以，係咪好方便呢？老公9點放工，食埋、洗埋碗都差不多11點。
我問老公〝十分滿分，今餐值幾多分？〞，老公給我8分，佢好鍾意個〝羅宋湯〞。〝羅宋湯〞飲唔晒，我話倒，老公話唔好，咁我就棄掉一D渣，將剩餘的入盒放入雪櫃。
湯和咖哩都有剩，湯老公明天會飲，而咖哩佢就唔吃，因為佢明天可能仲夜，佢預左明晚會煮麵吃，所以後日我拎返娘家。
我煮好晚餐，食個麵、休息一陣又開工，我預備整〝酥鬆性小西餅〞送給老公。我趁老公一洗完白白出來，就送到佢面前，不過，佢話食唔晒，叫我拎D回娘家。
今日高佬叔叔約左我與高達叔叔去〝石硤尾~美荷樓〞影相，夜晚我諗住去影夜景，從小我對車在天橋夜行的相很響往。
尋日去左書展，所以今朝老公陪我回娘家拎相機腳架，順便問肥阿哥借快門繩，雖然佢冇快門繩，但有搖控啵！當然與肥仔一家和肥阿哥和阿嫂吃早餐喇！
我與老公等待高佬叔叔的來電，因為他與女朋友去書展，待他們行完就出發。我地4點半到達石硤尾港鐵站，然後一齊去食lunch。
大家都不知〝石硤尾~美荷樓〞在那，高佬女友有朋友去過，所以就打電話問功課，得知今日係最後一日開放給人參觀，並且好似已關門，但一場來到都要去睇下。
到達現場真係關門，大家都照影，然後又上山影下就收隊，再向〝創意藝術中心〞進發，行完〝創意藝術中心〞發現落大雨，只好滯留這裡，所以要打消影夜景的念頭。
大家待雨勢減弱就行落深水埗食飯，揀了一間內裡有紅薯粉的麵店，味道都不錯，但不及荃灣那間好吃，這間的薯粉不夠彈牙，醫飽肚就各自回家。
今日有太陽，但到我地影相時就天陰，最後還下起雨來，剛才在山上影相時，我話〝點解每次影相都係天陰？除左上次花展外。〞，老公就講左句〝唔通連個天唔鍾意我？〞，我真的不知道，〝難度老天爺爺不想我辛苦，所以每次影相都天陰陰？〞，曬係辛苦，但影相靚好多，我情願辛苦。
我而家好少去書局行，所以今日去書展睇下有咩新書先。行過〝三聯〞睇睇下，見到〝蘇師傅〞又出烹飪書，再睇下內容，果真唔錯等我捧下場喇！
書名：師傅開飯
作者：蘇民峰‧Lilian Jong
出版者：飲食天圭1出版社
售價：HK$88-
蘇民峰 Peter So
烹飪，是我旅行以外的另一種興趣。
從前沒有現在那麼忙，總喜歡下班後到市場買餸煮飯。近十多年，因工作太忙，早已不彈此調。唯最近七、八年，因家中聘請了傭人，買菜洗碗的任務有傭人代勞，故又可大顯身手。再加上近十多年，周遊列國嘗盡天下美食，味覺因而變得更加尖銳，對食物的水準要求更高。有要求才有進步，所以近年煮得一手美味的菜式。
現在，外出吃飯的次數遂漸減少，尤其廣東家常菜，在外已不容易吃到比家褢自己做的更好吃。在家褢自己做菜，可以花上一、兩小時工夫；在外面快餐式的菜館，卻要求快捷、有效率，而非以美味為主。
希望各位讀者依着我們書中的指引，煮出一頓美味可口的晚餐，則於願足矣！
在此祝你廚藝日進！
Lilian Jong
我經常提醒入廚的朋友，食譜內的調味份量只是參考，試味才是最重要，喜歡鹹的可加點鹽；愛甜的可下糖，全憑自己的口味出發。我與Peter煮餸時，也喜歡不停試味，調教合我倆口味的菜式來。
近幾年，我們喜歡在家燒菜煮飯，每晚三餸一湯，全由我一手包辦，我享受由街市預備材料到入廚烹調的過程，很有滿足感呢！我與Peter都喜歡使用自家調製的醬汁，用生油、老抽、糖及鹽等基本調味料調教，配搭新鱗的材料烹調，既吃到食物的原味，又無添加味精，不用擔心味精敏感！
我與家人都饞嘴發吃，喜歡到處吃喝，滿足口腹之欲。每年與姊姊見面，話題總離不開飲食，到各餐館搜羅美食，有時甚至不惜付出時間及精力，吃我們夢寐以求之美食。這些日子，令我訓練出一張挑吃的嘴巴來，可惜，小時候好吃的美食，到今天卻變得不一樣。
這幾年入廚多了，以及出國旅遊擴闊了我的飲食視野，令我明白每道菜式都有獨特的風味,辛辣或甘甜是其特質，隨意調減辣味或甜味，會令獨特風味蕩然無存，吸引力大減！
我係書展除左買左〝師傅開飯〞之外，仲係台灣書籍中搵到呢本書，我睇內容已想快D動手整。食譜用料和做法都好簡易，亦都分左初、中和高級，越睇越手癢，我要計劃下先得。這本書係書展買40蚊一本，計起來與台灣買差不多。
書名：我的第一本餅乾入門書
作者：陳明裡、李湘庭、許正忠、楊桃文化
出版發行：楊桃文化事業有限公司
售價：199元 (台弊)
今日我約左熊貓姐姐陪我去書展，我上網睇1點前入場只須十蚊，所以就相約左11點半係灣仔港鐵站等。
我地出港鐵再向前行一陣就開始要排隊，但又唔肯定是否排書展，所以我就繼續排，而熊貓姐姐就向前行去打聽，有個熱心警察主動幫熊貓姐姐，原來有冇入場卷都要在這排。
我都有多年去書展經驗，但未試過要兜咁大個圈先入到場，個圈大到我都唔知點形容，今年有去書展既人就會知，但中途有人問路，問完〝阿Sir〞就會叫佢地入隊，咁早知我地都唔係隊尾排喇！我從未試過排隊入場，因為以前手持入場卷就可以行另一條通道入場，而家要逼埋一齊排，雖然如此，但係不用半小時就入到場。大家都諗唔知係咪〝靚模〞，所以咁多人入場。
我係〝大眾書局〞的攤檔見到〝葉翠翠〞，原來佢出左一本書，關於她和一隻流浪狗的事，仲可以即場簽名添！本書外面仲未有得賣，我就緊係冇買喇！因為我都冇興趣。
書展除烹飪書外，這攤檔最吸引到我，因為見番好多兒時既東西。
今日老公要返工，所以我約左熊貓姐姐陪我去書展，就算佢不用上班都不會陪我去，因為佢對書展沒有興趣之餘又要付入場費，都話佢係慳家之人架喇！
我地目標係烹飪書，睇地圖搵書局位置，全部都係8折，逐間行最後先決定買邊D，我以為會有好多收穫，但我想買之前都買左，但都買左2本，而熊貓姐姐都買左一本。
大家都以為行1-2個鐘就會離場，行行下4點幾先走人，頭先有D肚餓，但行到都唔餓，唔餓都要食D野。
尋日上Openrice搵食，當然係搵附近架喇！有介紹〝南記〞，所以就去試下，原來熊貓姐姐試過，但就唔係呢間。我地食最hit既，覺得都係一般。
我諗唔到去邊，所以食完就去熊貓姐姐家坐下，係搭車時聯絡三五知已去熊貓姐姐家樓下打邊爐。我除左混醬外，仲將3隻醬料盛起留用。
湯底起初order 1蚊隻既〝粟米馬蹄〞，掀起煲蓋大家都覺得清得滯，所以換左貴既〝沙嗲〞湯底。
大家都讚這湯底好夠味，基本上大家都不用〝點〞醬吃。我地order上次小肥牛既〝炸腐竹〞，可惜不及小肥牛的脆和好味。今次冇包心芝士丸，就試下〝野菌芝士墨魚丸〞，但就唔覺有芝士味，食物水準一般喇！我地唔食任吃，但可能係9點後特價，所以都唔係加湯，而係加水，所以我地決定搵日再去〝大角咀~良記〞。
今日與阿媽齊齊約左去針灸，所以今朝一早起身整〝老婆餅〞送比針灸師，阿媽整比人食新鮮好D喎！我又係整左十個，送左4個給針灸師，其他都留給家人吃。
上次自己懶唔想焗咁多轉，全部都壓得唔夠扁，但原來想好食真係唔可以懶。今次我就壓得比上次扁，但時間上就要用多D，用多D唔緊要最緊要係有好反應，老公話〝餡少D咪好多好多囉！〞，其實邊有少到呢〝傻仔〞，只不過係視覺影響，跟住心理上覺得啫！
我有時好似大肚婆咁，因為我會突然間想食某一樣野，就好似今晚咁我唔想食麥皮，我想食炸雞脾，但諗諗下都係唔好食炸，食滷水好D。老公放工就係屋企附近幫我搵，炸脾都難搵更何況滷水，所以攪到佢自己要返來煮麵食，因為唔夠時間佢要趕回來睇〝烈火雄心3〞。
今朝踎低起身右邊條腰就痛，而家要扶住坐低和起身，右邊肩頸又痛，針完右邊手既〝虎口〞位痺腫，全部都係右邊發生。明天要去書展，希望明天條腰冇事喇！
今日有件開心和冧既事想講先，就係晏晝時阿B係電話到同我講〝我愛你〞，雖然係肥仔餌誇佢和講得唔多清楚，但都足夠殺死我。
下星期一係阿B正日3歲生日，娣婦較早前已係〝Italian Tomato〞訂了蛋糕。今日我想去入貨，所以就相約娣婦一齊去取蛋糕。
今晚我決定整番餐，我怕阿媽又係我整既時候〝依依哦哦〞，免得到時又吵野，所以尋日我已燜定〝蘿蔔炆牛仔腩@柱侯醬〞和〝日式咖哩薯仔雞翼〞，又炒定春卷材料，到時就好快有得食。
我與娣婦5點幾就回到娘家，我包緊春卷時，阿媽又話〝都唔知幾時開得冷氣？〞，我話〝我對住個爐都未話熱，你話熱。〞，佢怕肥阿哥過到來熱，我都明，但我聽到都會‧‧‧。
今日老公要返工，係6點幾時候阿B嗌左幾次〝肚餓〞，係第一次聽到，所以就餵左阿B食先，但到我地開餐，阿B又要來佔一席位。
食飽飽過一陣就吃蛋糕，個蛋糕係芒果餡，成個蛋糕既生果都係我最鍾意既。阿媽好鍾意食cream，所以每次吃不完的cream我都會比阿媽攪掂，今次當然都不例外喇！
上年阿B生日我與阿嫂分別送左〝電腦仔‧波波池@提早的2歲生日禮物〞，
平時都有買玩具比佢，所以今年大家都冇idea。
我與阿嫂夾份送呢盒玩具比阿B，係阿嫂揀的。
這份係娣婦同事送比阿B既生日禮物，這份禮份又大份又重，我估價錢都唔平。
這位同事每年阿B生日都會送禮物，某些節日亦都會送，阿B真係幸福。
阿B切生日蛋糕。
一隻手唔得，就用2隻喇！(冇人教佢架！)
我與摰友M小姐平時係冇聯絡和見面，但心中都有對方，有時都會找對方，數數手指已有約2年冇見，上次與摰友見面就係佢結婚時。
近日M小姐常係Facebook出現，大家都有交流下，咁耐冇見又相約出來吃飯。我就開始搵猜乜吃，咁就緊係去Open Rice睇下有乜好介紹喇！見到〝北京人家〞，雖然整體評語就唔多好，但有D菜式介紹都評語唔錯，之但係我揀〝北京人家〞最重要原因係果到傾計方便，我book位時request要卡位。
今日落車既巴士站有間買東南亞食品，我見未夠鐘，所以入去搵下〝咖吔〞我想用來整麵包，唔單止發現有〝咖吔〞，仲有好多想買既材料，下次可以來這裡買材料喇！
我入去時人不多，但坐坐下就好多，仲聽到全場full booking。我邊睇menu邊等M小姐，太多選擇大家都冇idea，所以就照我係網上見到評語唔錯照order。
我地高談闊論、談天說地、想當年、話當年、無所不談、開懷談歡，傾得好舒服有好多都不用多解釋，因為我地都互相了解和有深入認識，真係傾得痛快。
全晚晚餸菜一D都唔好吃，我仲諗住遲D來這裡吃我最愛的〝片皮鴨〞，而家唔駛喇！食完飯又去左〝滿記〞吃糖水，我唔吃得凍野，所以叫左個熱糖水，但又係唔好吃。老公知我吃糖水，佢又向我落order。
今晚全部東西都不好吃，但都好開心，因為過了一個很開懷的晚上。我地仲講好遲D多D約去行街、去玩，因為之前我要湊阿B，所以M小姐不敢約我去街，而家阿B大左，時間就鬆D，好期待再見面。
〝北京人家〞屬〝美心集團〞，餐檯布都印有〝House of Beijing〞。
前菜：我覺得是全晚最好吃。
香得來清真牛肉燒餅：唔好食，餡好似山竹牛肉，若果要食就去〝九龍城~清真牛肉館〞好食好多。
北京前門醬前蹄：就好似一般醺蹄。
蔥油聖子：網上有好多人都話好吃，我都好期待，但好失望。我地又唔覺有乜好吃，只係加上豉油、熟油和蔥而矣，可能我地唔好彩掛。
金華腿茸扒津白膽：只不過係一碟普遍娃娃菜，加上左腿茸，個汁又多油。
杏汁豆腐花：唔記得問M小姐好唔好吃。
湯丸配芝麻糊：芝麻糊唔太甜，但湯丸餡太多白芝麻。
椰汁涼粉：老公request既外賣，佢話都係一般喇！
尋日我為想摰友與她的家人試下我手勢，所以就挑起懶筋動手整〝老婆餅〞和〝迷你合桃酥〞。M小姐話佢老公超鍾意食〝老婆餅〞，希望啱佢地口味喇！
