我的減肥成績@1‧2009

燃燒指數：3.2磅                   燃燒總數：13.2磅

燒脂指數：0.7%                    燒脂總數：2.9%

我因為〝雞仔餅惹的禍〞令12月的磅數不理想，所以係一月份跟左〝鄭秀文3日減肥餐單〞，吃回平時的食物，磅數會慢慢回升，但不會回升到減之前既磅數，或者多過，比起其他餐回升得慢，加上又有物資剩，其後我都跟多2次。

我平均都每星期都跑一次步，本來都keep幾好，但新年假外出多左，所以磅數自然上升，過埋今日假期活動就會完結，我要再勤加運動，不可鬆懈。

舊式麵店@年初六2009

大年初一，因時間夾唔到，所以花生比唔到老爺，已講好今日拎比佢，順便與他吃飯晚飯。

尋晚打通宵馬吊，我瞓到約5點先起身，6點叫埋老公起身，然後動身去老爺家。老公唔想叫餸食飯，可能近日食得太得野，想食清D，就揀左一間舊式既粉麵舖，舊到仲係用緊木筷子。舖頭不算大，每次經過都滿是客人，今日去到剛有人走，所以不用等就有位。

老爺覺得麻麻，而我就覺得一般，湯底唔好味，反而老公大讚，牛腩有肉味，比起上次〝大利〞好好多，但我覺得唔及上次〝澳門九記〞。老公又order左杯凍奶茶，亦都比想像中好。

辣椒油好味，呢個盎好耐都冇見過喇！

捨命陪君子@年初五2009

30 January 2009

尋日我終於去睇醫生，醫生開左抗生素、消炎藥和其他藥比我，仲建議我〝雲吞〞要請大口仔吃。早在半個月前已經感覺到鼻和喉嚨有D發炎，但發下又唔發，諗住自己會好。從初一至初三，每朝起身都〝新〞到黃綠杰鼻涕，之後就冇架喇！只係每朝一次，但到初四情況嚴重左，所以去睇醫生。

今晚我、阿嫂、熊貓姐姐和高達叔叔一起打羽毛球，阿嫂買野食回去與肥阿哥一齊吃，咁我地等埋老公就去吃飯，熊貓姐姐見咁人齊，就提意去佢家打通宵麻雀，因為熊貓男友入左camp，跟住就搵埋至Fit姐姐，咁就夠腳嘞！

我地係年三十晚打馬吊輸左，跟手初一打兩圈又輸左百幾蚊，老公已經話〝咁黑，暫停唔打住〞，但見熊貓姐姐咁高興，雖然，我有病在身都〝捨命陪君子〞喇！

我地約老公係家等，我回到去洗個白白換套衫先，跟住高達叔叔見打通頂，所以都個洗白白。晚餐去左樓下茶餐廳吃，樣樣都好味，邊食邊讚。

蝦仁瑤柱炒蛋白~蛋白唔老，美中不足有什豆。

蒜香洋蔥豬扒~有好多豬扒，汁好香，肉質嫩，又唔鞋。

鮑片冬菇扒時蔬~整體OK，係個獻汁杰左D。

我記得拎Notebook，就忘記左拎蘿蔔糕，出門口時硬係有野未拎，但又醒唔起係乜。熊貓姐姐就陪我回家拎，好在都係行左1/3路程，放假日日都出左街，唔趁今次清，都唔知幾時有機會吃。我帶埋Notebook去，等老公打緊時我就可以寫Blog，咁樣我先可以寫晒咋！

半夜我問煎幾多蘿蔔糕，個個都話唔餓，老公話半底，食完半底，立即再煎多半底，佢地話好吃，熊貓姐姐話下次都要跟我呢個食譜整。

我煎第二次時，熊貓姐姐話上次朋友來打邊爐剩左金菇，金菇唔擺得佢擔心會浪費，最衰冇肥牛，咁我就可以整金菇肥牛卷，熊貓姐姐從雪櫃拎肥牛出來，後來佢地怕我麻煩，所以叫我炒埋一碟就可以。

今次我帶埋〝Lucky Ring〞都係輸，仲輸得多過前2次，例牌一齊吃埋早餐就散隊，我臨走時大力得滯，將熊貓姐姐個沖水製整斷左一半，但高達叔叔連另一半都整斷埋，所以食完早餐佢要幫熊貓姐姐修理。

我好鍾意打馬吊，可以唔賭錢，但實冇人陪我打。打馬吊鍾意，但唔精，來年我要努力學習一下先。

樂富103@丹尼士祖比倫

29 January 2009

今日老公知道出〝上水70@利蘭奧林比安11米〞，即刻去九巴客戶服務中心買，順便睇下有冇好似以前咁可以用150蚊換購巴士。真係有啵！老公就咁帶埋佢回家喇！

丹尼士祖比倫~Dennis Jubilant

九龍巴士(一九三三)有限公司(九巴)於一九七七年首度引入4部丹尼士祖比倫巴士。在試驗成功及滿意後，九巴於七十年代後期至一九八二年間大量引入共364部祖比倫巴士以應付當時急速的人口增長，其中150部是採用都普車身。由於祖比倫巴士擁有特大的黑色鬼面罩及黑色的扶手，故有『黑金剛』的稱號。祖比倫巴士早期主力行走海底隧道路線如101、103、111及116。

上水70@利蘭奧林比安11米

29 January 2009

今日有架新巴士出，就係呢架〝上水70@利蘭奧林比安11米〞，但收唔到九巴客戶服務中心既短信通知，老公都係上網睇到得知，佢第一時間就走左去買。

利蘭奧林比安11米~Levland Olympian 11M Bus

九龍巴士(一九三三)有限公司(九巴)於一九八六至九四年間引進超過四百部『利蘭奧林比安』十一米巴士。其中五十部(車隊編號S3BL371-S3BL420)更配備了馬力強大的康明斯LT10引擎，以便調派行走各高速公路或路斜多灣的路線，如3C、38、62X、70及98A等。當中服務市民超過三十五年，來往佐敦至上水的70號路線於二零零八年十二月七日起停止服務，當日由車隊編號S3BL410的『利蘭奧林比安』巴士行走該路線的最後班次，接載市民一同見證這歷史的珍貴時刻。

年初二‧年初三露營@西貢灣仔2009 Day 2

欲知前提如何請到：年初二‧年初三露營@西貢灣仔2009 Day 1

28 January 2009

尋日聽完AL弟弟和泰利咁講，大家都怕會凍C，A小姐帶左暖貼，夜晚我與老公每人都貼左一塊，但就冇著住外套瞓，可能人多夜晚瞓覺時都唔覺凍，有D熱到拉開左睡袋瞓。

今朝3點已想去〝殊殊〞，瞓下醒下捱到7點幾拍醒老公陪我去，又再瞓下醒下等到8點幾契大佬起身，我又跟住起身，之後其他人都陸陸續續起身，只係得老公一人仍在睡夢中。我地燒蒜蓉包，又燒尋日BBQ和打邊爐的剩餘物資。

我見AL弟弟和契大佬開始炒蛋，我就去叫老公起身，個個都食完，等到你起身又煮過比你食咩，佢居然話唔食，我唔理限佢十分鐘內要出營。

除左奄列，仲有太陽蛋，還有煎餃子，餃子係尋晚打邊爐剩既。

AL弟弟煲蠔豉瑤柱粥。

契大佬炒完第一轉米粉，A小姐見有盎沙嗲醬，就order一個沙嗲炒米，味道唔錯。

我行開左回來就見到呢隻狗，佢地仲幫佢改左個名叫〝阿璜〞，AL弟弟比左舊包佢吃之後又停在此處，阿璜係AL弟弟身後守候，我地又再比左幾舊包佢吃，連食唔晒既米粉都請埋佢吃，因為阿璜係流浪狗，所以乜都比佢吃，又被水佢飲，但我地都有節制既，怕佢一次食咁多，幫佢變左害佢。

阿璜食完有時都坐得好是正架！

契大佬帶左彩虹風箏，丁丁小姐帶左Batman風箏，所以我有機會跑下，放下風箏，我仲嘗到人生第一次自己放得起隻風箏，自己拎住隻風箏和線轆，一路跑一路笑感覺自己有D似傻婆。

野食好似食極都唔完，所以臨走前來個一品煲，將唔帶得走既都一鑊熟，可以帶走既物資，就各自認頭。

食飽就執行裝和收營，頭先都有D人來影我地個新營，前面得層紗就係尋晚男仕瞓既地方。

新營太重，要用手拉車先可以攜帶。

之前朋友們認識左一對營友夫婦，佢地常常來，而且設備好完善添！朋友們都係見佢地個營幾好，就由台灣訂一個回來，果個營就係呢個新營喇！

頭先營友夫婦由南營地上來行，與我地傾談左一陣，我地走既時候又去探下佢地。佢地有將吹氣床，有床就緊係唔用睡袋喇！佢地帶埋平時用既羽絨被來，又有檯仔、暖爐，佢仲話開左個暖爐來發麵包添！真係令我羨慕。

隔離個營就係佢地個飯廳，帶備埋檯布，又有花，又有的私家櫈，幾浪漫。

年初二‧年初三露營@西貢灣仔2009 Day 1

27 January 2009

今日大年初二，我與老公和朋友們一齊去〝西貢~灣仔〞露營，只係去兩日一夜啫！不過，尋日AL弟弟、大眼哥哥、丁丁小姐和泰利，已入左去霸位，我地約左11點係百佳等，而且要飽肚去。

我8點幾起身梳洗，然後去煮個米粉吃，老公就瞓到差唔多出門口先起身。我就係門口看守背囊，其他人就入去買野，等等下A小姐到，有人陪下我傾計。

老公未吃早餐，我見佢食我又想吃，所以就買左每人一件雞批和蝴蝶餅，老公話我整既蝴蝶餅比它好吃，佢食左一半都冇就唔食，我又覺得冇乜野，成件食晒。

尋日南營地冇位，所以就往上行去西營地，兩個營地都比想像中少人。大家都鍾意南營地，因為個厠所比較近和方便，而且北營地又冇厠所水，真係好鬼麻煩。

今次人多，就用左個新營，呢個營可以容納十個人瞓架！我地有11個人，所以大眼哥哥拎多個蒙古包，係佢與丁丁小姐瞓。

新營中間可以拉埋拉練，就會有2間房架喇！而且兩邊都有門口架，但係男仔要瞓果邊就會好凍，因為得層紗。尋晚AL弟弟和泰利每人瞓一邊，話寒氣由地下浸上，AL弟弟平時身體好強壯，佢仲話半夜凍醒添！大家聽到都好驚。

我地入到去一陣，契大佬就開始煎糕吃，因為契大嫂整左年糕和芋頭糕，而我又拎左底蘿蔔糕，樣樣糕都好吃。我整既曲奇和鳳梨酥，反應都唔錯，大家都鍾意，真係開心。

AL弟弟、大眼哥哥、丁丁小姐和泰利就BBQ，BBQ就係佢地今日既lunch，我地當然又燒下咁喇！我從不吃羊，大眼哥哥話好吃，我就吃左件羊架，雖有D羶味，但好juice。其實，入去我地係預備食杯麵，但食左咁多糕和BBQ都飽晒。

我地又執柴燒，感覺好似小時候回鄉幫手燒柴咁，好得意。我覺得個火似牛，你話肉唔似呢？

今次AL弟弟釣到條〝大尾鮲〞比上次大條好多，咁就冇上次營友果條咁大。

AL弟弟宰完，加D調味料爆一爆，嘩~肉質好爽，咋一聲就冇晒喇！

我聽到有聲，老公照過去，霎下眼老公話係松鼠，之後又再聽到聲，再照過去，原來係老鼠。大家都用光照住佢，佢採取敵不動我不動，唔理佢一陣就閃走左。

今晚我地打邊爐，有清湯和麻辣湯底，麻辣湯底初時都有D辣，食食下只係得個〝鹹〞字。

食飽就飲杯紅酒先，之後就玩〝魚、蝦、蟹〞，每人輪流做庄，我與老公都贏左十蚊架！

欲知後事如何請到：年初二‧年初三露營@西貢灣仔2009 Day 2

提早赤口@年初一2009

26 January 2008

尋晚〝年宵‧馬吊通頂@年三十〞通頂後，我提意老公直接去我娘家拜年，跟住瞓醒再去老爺到拜年，咁樣瞓既時間會多左，8點幾回家放低一D隨身物品，返到屋企睇下底年糕和半底馬蹄糕，因為雪糕細擺唔到，咁樣就發左霉嘞！唯有棄掉，真係有D可惜，之後就去買禮物回娘家拜年。

上星期年廿九〝與老爺團年飯@2009〞，老爺問：『高達叔叔年初一來不來與他拜年？』，所以年三十晚〝年宵‧馬吊通頂@年三十〞見面就問高達叔叔，冇問題但要等佢吃埋開年飯就可以來，無錯佢屋企係年初一食開年飯既。

我一直諗向老爺拜年後，回娘家吃飯定與老爺吃，後來高達叔叔來向老爺拜年，咁就一齊和老爺吃飯，但老公話不與老爺吃飯，可能佢諗住食完一齊去行下街。高達叔叔4點幾都未食開年飯，所以決定不來，但係叫左佢拎左磅半花生，諗住一磅比老爺，半磅就拎去露營。

我見明天去露營唔可以與家人去伯娘到拜年，咁樣就回娘家吃飯，點知老公就一句〝得〞埋來，佢想與老爺吃飯。初初又唔想與老爺吃，而家又話要食，真係激死我，我地嘈左幾句後，我就唔出聲、唔埋佢囉！

老公見我咁樣就好好聲問我意見，佢話返我屋企食飯，咁我先唔嬲佢咋！我諗好方法，就係向老爺拜年先，跟住拎花生，再回娘家吃飯。老爺果磅花生，就今個星期再與老爺食飯比佢。

老爺拎佢既寶藏出來show比我地睇，寶藏係老爺以前做玉石打磨時既物資，有D係佢親手做架，佢怕佢咩之後我地唔知〝劈〞晒佢，仲話呢D係留比我地與佢個孫。

肥仔來電問我〝蕃茄蛋〞點煮，我講晒步驟後，又話煮既時候再問，我地回到家已經煮完〝蕃茄蛋〞，肥仔爆緊香腸，我第一次吃肥仔煮既野，都值得紀念一下。

〝蕃茄蛋〞係阿嫂與肥仔攜手合作，味道略為甜左D，阿嫂話肥仔話要甜，所以佢唔覺得甜，整體都OK既。

肥仔想打麻雀，所以打左一陣，但只係打左2圈就輸左百幾蚊，我地連輸2日，真係唔多lucky。

年宵‧馬吊通頂@年三十

25 January 2009

今日我地約左行花街，跟住就會去熊貓姐姐家打馬吊，行完花街先打實係打通頂，通頂都會吃埋早餐先走既。

我地約左8點吃晚飯先，高達叔叔要做節，而同屋住亦都要陪老婆回娘家做節，所以吃飯得我、老公、開心果姐姐、熊貓姐姐與她的男友~熊貓男友。

開心果姐姐提意去呢間大排檔吃，我地5個人叫左6款，因為有D都唔當係一個餸，又叫左啤酒，大家一齊飲，尋日陪左老公飲少少，今日都唔敢飲咁多，怕肥嘛！

煎蠔餅~蠔少左D，可以多番D就perfect嘞！

豉椒炒蜆~個獻汁杰得滯，但都可以接受，蜆肉都幾多。

滷水鵝片併盤~都係一般，拎到來出晒煙，食落就唔係熱，我諗大家都明點解。

炸德國鹹豬手~大家都以為係原隻上，但原來係切埋片，真係拎隻豬手去炸，呢味全餐最好食。

瑤桂扒豆苗~老公與熊貓男友都好鍾意食瑤柱，但實際金菇碎多過瑤柱，應該係叫〝金菇扒豆苗〞。

新南苑照燒骨~熊貓姐姐吃左一啖，就話〝點解食唔到南乳味既？〞，

佢地做節食飯未食完，所以我地又去左〝AMP〞行一陣打發時間。冇錯丫！我地又食野，都唔係好多啫，5個人每人一啖都冇左。

等齊人就入去行花街，比我想像中少人，起碼都唔會夾住行唔到，但檔口入去睇就難D咁喇！

好快就行完地鐵去熊貓姐姐屋企，係商場開心果姐姐見到有咁大枝珍寶珠就買左，內藏好多細既珍寶珠，都幾得意架！

雖然，我係〝第一個‧第一次@頭獎〞，但都冇帶來幸運，今次又輸左，熊貓姐姐話我冇戴隻介子，它是木製加漆油而成，我怕會刮花，因為我都好鍾意隻介指，我地半夜又有應節一齊食碗湯丸。

高達叔叔要開舖早起身，所以打到4點幾就唔打，我地由5個人變4個人打，老公都打左2舖都唔打讓給我，同屋住兩個女睇睇下卡通片，都瞓埋。

我地由零晨一點幾打到朝早8點幾，跟住去食早餐，開心果姐姐、熊貓姐姐與熊貓男友冇去食早餐。大年初一緊係去〝麥麥〞喇！仲邊到有咁早開呢，真係開心自從認真涪肥後都冇食過喇！

為露營作準備@年初二

今年新年既年初二、三都會去左露營，地點都係上次〝西貢~灣仔〞，但實會好多人好難搵位起營，所以會有4個朋友做先頭部隊，係年初一入去霸位，真係辛苦晒！

每人已編排好要帶既物品，而我今次就負責買9支Gas，當然仲有其他野會當日先買喇！我買Gas既時候，真係開始凍，心諗D人緊係以為我用來〝烚烚下〞，cashier話〝買咁多Gas〞語帶點疑惑，我話去露營用既。

當我知道去露營，就諗整咩拌手禮好呢？以下係我既拌手禮，好似好多咁，但係我數過計埋我地兩公婆都有十個人，每人都係得一、兩舊，希望朋友們會鍾意喇！

〝蝦子餅曲奇〞~上次整比阿婆拎回鄉有多，所以拎起少少比朋友試下。

〝蘿蔔糕~混合版〞‧〝馬蹄糕@2009〞~前日整既，預備左一底蘿蔔糕和半底馬蹄糕去，另一個朋友都會帶蘿蔔糕和年糕去架！〝馬蹄糕@2009〞唔知好唔好食，篤下感覺好似好實咁，希望好食喇！

〝榛果曲奇〞~上次朋友話好吃，所以今次整左double份量，望能keep住水準喇！

金香蜂蜜小雪紡 ~上次賣相好靚架！今次就好肉酸，我諗係我倒麵糊時出問題，上次阿婆話好鬆軟，唔知咁樣會唔會好難食呢？

米奇鳳梨酥 ~ 原本係上次露營整，但取消左，所以今次整埋去。