2008年12月31日星期三

我的減肥成績@12‧2008

燃燒指數:1.6磅                   燃燒總數:10磅


燒脂指數:1.8%                    燒脂總數:2.2%


我11月開始認真地去減肥,因為病成績都幾好。12月我就比之前食多左薯片、汽水和甜飲品,但磅數仍然有微微下降或能持續不升,就算晚餐食得豐富磅數都沒太大改變。可是為食的我從冬日美食嘉年華@第六屆買了〝雞仔餅〞後一切就要改寫。


自從買左〝雞仔餅〞,我每日都會食,不論早晚,這行為真係要不得,白白浪費自己心機。其實,今個月未食〝雞仔餅〞前最高紀錄今個月減左〝3.6磅〞,總數減左〝12磅〞架!一切都係〝雞仔餅惹的禍〞。


12月自己懶冇去肥阿哥會所跑步,又book唔到場只係打左一次咁多,我只係靠每日行2次或4次,由屋企行路回娘家,我唔好以再咁懶要努力!但係咁行令到我既肌肉收緊左好多,不會再咁鬆,我會風雨不改咁行,因為前幾日落住毛毛細雨我都照行,冇其他運動就唯有咁喇!


我下個月尾有朋友結婚,我要係下個月尾前盡減,所以我要再諗一個好D既方案出來營救自己。


平淡倒數日@2008

今日係2008年最後一日,而緊接明天就係我與老公踏入拍拖十週年,但今、明兩日都可能會好平淡咁渡過。


阿B病左有一個星期有多冇返學,今早佢瞓到成十點先起身,佢有微微燒,但我冇餵退燒藥,只係餵左其他藥。我見今日要全日要留守娘家,所以決定煮個碗仔翅做Tea,阿婆聽到即刻話好,我都有好耐冇係屋企煮野,除左夜晚晚餐外。


今次呢個碗仔翅煮得稀左D,但阿公和阿婆都話唔稀,我用馬蹄粉埋獻,可能阿婆心理作用話好甜好味。娣婦放早回來吃左兩碗添!肥仔仲誇佢將餘下的吃光,我諗都有3-4碗麵碗,我都拎左碗比老公。


夜晚我忙完煮餸,又忙老公個飯壺,然後先可以食飯,跟住又背住沉重既背囊,其實每晚如事,在沉重路途上收到老公電話,佢剛落車就相約去〝80M〞訂巴士,然後一齊回家,老公見到我背住沉重背囊,都叫我唔好拎飯比佢,但我冇回應,心想唔拎比你你又係食街外買或煮麵,試問我又點忍心呢!


晏晝12點幾阿B又再瞓,佢用口呼吸,又瞓得唔冧,2點幾佢又燒到103度幾,我就塞左粒退燒藥,我未塞佢就醒左,我拍左好耐佢都未瞓得返,但佢又唔肯起身,叫阿婆拍住佢瞓,阿B又唔肯,指定要我,最後我要去煮碗仔翅,就叫阿公拍佢,約4點瞓左,瞓到5點半起身,明天再去覆診,希望阿B好快好返喇!



2008年12月29日星期一

滿足‧美味@金船長

欲知前提如何請到:房署配房@第二次第43屆工展會

今日我一直與老公講〝我地一陣帶阿B去街丫!〞,最後回程時老公話〝你決定喇!〞,我想見阿B緊係話〝好喇!〞,阿B唔病左,肥仔請左半日假,但佢都唔會帶佢去街架喇!我就帶佢出去吸下新鮮空氣。


我地2點幾返到屋企,老公就攤抖下,我就同肥仔講一陣帶阿B去〝奧海城〞行下。我地3點幾就娘家,老公就係娘家樓下食野,我頭先食左就直接回娘家。我幫阿B換衫、執行裝,肥仔就join老公一齊食野。


我幫阿B換衫時已覺得佢好罄,到樓下老公覺得阿B好似有D發燒,我再摸下好似係,但係都出左來,就繼續去喇!夜晚回到家,肥仔來電阿B真發燒。


我地一到〝奧海城〞就租車,又見到TVB好似有function,近排真係與它有緣。



今晚我地又係去〝金船長〞,於是我6點就打去book位,book7回半都唔可以,要7點到,然後8點半交檯,咁又係我地咁遲先book。我地週圍行等娣婦放工來,然後一齊去,想知set係點就去美味晚餐@金船長餐廳就知。


除老公要〝周打魚湯〞外,我地全部都要〝番茄洋蔥湯〞,好香洋蔥味,又有番茄酸,成個湯都好味。



〝炸魷魚鬚〞~上次都有叫,唔多介紹,但份量好似少左。



〝密糖雞翼〞~又係上次食過,依然好味。



〝炸洋蔥圈〞~脆醬剛好,整體沒什特別。



〝金船長芝士漢堡〞~又係上次食過,唔多介紹。


〝番茄焗豬扒飯〞~老公覺得酸,但我接受到,而且又喜歡,豬扒腍,汁好味,飯又唔會乾。



〝芝士千層麵〞~芝士夠多惹味,整體冇乜特別。



〝野菌意大利飯〞~個個食過都讚,份量只係一人份~的的式式,但老公話好膩,因為有芝士。飯味有好香既野菌味,又有野菌甜味,每啖飯都夾雜芝士和野菌味~Yummy。



〝薄荷凍咖啡〞~娣婦話早知叫熱,因為拉花冇上次咁靚。



〝金船長火焰雪糕〞~杯底放一片朱古力蛋糕,加一個雪糕球,再放一片朱古力蛋糕,頂層就係蛋白打成泡,就係火焰雪糕既構造。


我兒時睇電視見到已好想食,但並不便宜,所以一直都冇機會吃,長大後這款甜品已絕跡。今次有我與肥仔一試,每人一杯,但比以前的氣勢差得遠。今日有機會實現兒時夢想,但一試有些失望,希望有機會再試。



不滿推銷手法:


之前阿媽用過某牌子既Hand Cream幾好,呢間野奧海城有,我就幫阿媽去買。上次阿媽係呢間野買左好多野,仲入會添!當時我要睇住百厭既阿B,就睇唔住阿媽。


阿媽買左支定型水,我都聽到售貨員係咁講,阿媽仲話sales不用gel野,阿媽與我都係電左髮。我和阿媽都用過,一D都唔定型,雖然說明係英文,但我都應付得來,我左睇右睇都唔見有〝Hair Spray〞作用,只係話keep hair既color。


我就此問店員,初頭都話有少少定型作用,我再講多幾講就話係丫!只係頭髮Treatment作用,例如:你朝早起身,頭髮有絲飛起,你用左佢就會冇。佢地分明厄我阿媽喇!我認得又係呢幾個人,邊個sale我阿媽我都認得,不過,費事做到咁衰和絕喇!下次都唔幫襯呢間,叫阿媽去另一區,我唔想講邊隻牌子,有興趣去呢到就知:傷風‧感冒@延續


第43屆工展會

欲知前提如何請到:房署配房@第二次


今日老公諗住只係請半日假去睇屋,我聽到後個心好失望,後來佢都係請左一日,我就開心晒,我就計劃睇完屋就去〝第43屆工展會〞,我地每年都有去架!我睇書話工展會有主題架!今日係〝潮流文化日〞,呢到試食仲多過〝美食節〞。


我近幾日都係短T,再加風褸,但今朝感覺到有D凍,所以著左件薄薄衛衣,再加件風褸,但係太陽伯伯預備開工,我已開始冒汗。


今次行左冇耐就好攰,本身背囊好重,又加上熱,又入去冇耐就買左好多野,真係拎死人,行到腳仔軟。會場有2個入口,分別:銅鑼灣糖街、天后興發街,我與老公就係〝銅鑼灣糖街〞入。



銅鑼灣糖街


今日可能係平日,所以比平時星期六、日去較少人和輕鬆。



〝李錦記〞就係門口,所以未入門口已見到,但估唔到會有模型,都整得幾靚架!



〝獅球嘜〞每年都係咁,整2隻獅子模型係到。



休憩區


這裡有一個〝香港產品館〞,對面仲有個兒童天地。



天后興發街


再往前行就係〝天后興發街〞出入口,呢邊都係人不多。



小食檔口人流就好多。



我有D肚餓,所以買左碗糯米飯吃,老公乜都唔吃,我見老公喜歡既魷魚好似好味,所以佢就買左碟一齊食,但得個樣。


每年會場都緊係有呢D擺設,老公見到話又係呢D。



世貿中心


我睇書〝世貿中心〞有個韓國藝術家〝Nanan〞係玻璃晝晝,咁啱我地又係要去果到搭車,所以去睇下,玻璃晝用普遍數碼影唔太出,都係唔舖出來。老公對此冇興趣,所以我睇左一陣就走。



戰利品


我一入去就聽到〝同珍〞叫〝一蚊支蠔油〞,就走左去買,去到又話〝11蚊有一支蠔油,又可以任簡2樣野〞,剛好柱侯醬用晒,再揀多盎〝南乳吊燒醬〞遲D用來整雞翼,咁都幾抵丫!



今次我既目的係想去〝李錦記〞買蠔油,呢袋禮品包都係50蚊,有咁多樣野好抵,夜晚老公拎來睇,我話支蠔油都要二、三十蚊支,佢就話你唔買多set,我買多set怕你鬧嘛!



我想去〝左顯記〞睇下,老公話唔好再買醬喇!跟住去到〝冠益〞,又話辣椒油用晒!我話〝左顯記〞出名D啵!又行返去〝左顯記〞買,呢set都係35蚊咋!



〝時興隆〞:一筒十蚊,兩筒18蚊。



〝捷榮〞:老公買左兩合三合一奶茶,一盒奶味濃,另一盒就茶味濃,一盒15蚊、兩盒25蚊、五盒50蚊。



我地行完全場先折返去〝德國寶〞買熨斗,呢個原價三百幾,而家半價。平時我見到有熨斗,老公不論平貴都話唔,今次佢買係因為怕我再鵝佢。



欲知後事如何請到:滿足‧美味@金船長


房署配房@第二次

早在半年前獲配房於環翠邨@第一次,但對我地來講太遠,果次職員好人唔駛我地去,只係信面通知就可以,仲可以寫我地想要邊區,老公從小到大都係係〝東九龍〞,所以寫左〝東九龍〞。


兩星期前肥阿哥收到房署信,係關於第2次配房事宜,就立即通知我,真係如老公所願派〝東九龍〞,之後我、熊貓姐姐和至Fit姐姐係Trandyland‧美亞@開倉當日去過,但唔係預約日期唔上得去睇。


其實,我與老公都會拒絕這次配房,因為我覺得間屋太open,又冇privacy,層數又低,地址係3樓。間屋左邊係小學,只是一條小路仔距離,前面行幾步就到中學,另外果2邊就係村內馬路。以前小時候搭巴士都會經過呢條村,從巴士上都可以望入屋,屋內一切都會睇到晒,所以我一向對這條村感覺唔多好。



今日就係房署約見日期,但係早上9點半就要去到,所以我今朝6點半就起身,然後去到附近先食早餐。老公吃豬扒餐,我就食普通火腿通,而最特別就係隻杯,因為我好少見。


我地9點鬆D到達,過左約定時間都未見,心諗9點半都未見就去催下先,約9點半就有人帶我地去睇屋,但我地既單位翻新進行中未有Key,所以去左同一座向,但高幾層既屋。



  • 我一入到去大堂已有壓迫感,因為樓底矮。

  • 搭電梯進入走廊,仲覺得似入左監倉,因為兩家人打對面,咁就成一對喇!而每一對就有一個鞏門,望埋去就有好多度鞏門。

  • 每家人既大門上,都有1/4度門既磨砂玻璃,我見每家人裡裡外外都用野遮掩住。

  • 相隔走廊和屋內的窗,嚴格來講唔係窗,只係砌左一舊舊玻璃磚,而每舊玻璃磚都有一條約闊5吋的隙,可以伸得入一隻手,我見每家人都係自己用報紙或其他野塞住。

  • 騎樓與外牆又有兩條好大既隙,老公話以前係用來通風的,呢兩條又要自己封。

今次派3樓,原來實質係2樓,仲要係最邊果間,上次派2樓,原來係1樓。不過,都有好處既,就係街芳和鄰居都好,帶我地睇樓既又好人,我地想去獲配單位外偷望入去,佢又肯啵!對面鄰居話借櫈我地望入去,但我地身手咁好緊係唔駛喇!間屋好污漕,天花板好似被煙燻黑,老公話係塵來的。我地行過2層,見到的鄰居都係老人家。


之後又見埋個主任,呢個主任又好好人,大家傾談左一輪,今次我地直頭寫埋要邊區,將個〝東九龍〞範圍又縮細左,但未必會派到,又寫左要大D單位,因為日後會生BB,所以又係要〝等〞。


欲知後事如何請到:第43屆工展會滿足‧美味@金船長



2008年12月28日星期日

〝傻〞仔大餐

尋日只係一個早上我已食左十幾塊〝雞仔餅〞,晏晝又吃幾塊,晚餐過後又吃幾塊,今早上磅〝嘩~重左成磅〞,真係要節制一下。


我原本尋日和今日都有節目,但有D意外最消左悶左2日。尋日〝協康會〞去旅行,寫左我與肥仔陪阿B去,點知阿B真的被抽中,不過,要父母先可以去,所以娣婦唯有請假去。今日又原本約左去影相和BBQ,但熊貓姐姐前日通知有事不能去,我地就取消左改期,日期未定。


我等老公瞓醒,時間啱啱好去吃茶餐,尋日去左〝大家樂〞,今日老公就揀〝大快活〞,但我鍾意〝大家樂〞多D,因為有我鍾意既〝公司三文治〞。


上次中西合壁@2008聖誕前夕買左袋焗薯,仲有3個剩,我就決定用埋佢,今晚晚餐整吞拿煙肉薯蓉,我問老公仲有冇野要加?佢食薯蓉都夠。突然靈機一捉整多個薯仔蛋沙律,我與老公都好鍾意食架!實行整個〝傻〞仔大餐。


我地食完就去左〝Taste〞買〝傻〞仔晚餐材料,但〝Taste〞既煙肉好貴,同一牌子凍肉舖平十蚊,老公就回家先,我就自己去買。我整整下發現忘記左買吞拿魚,又發現沙律醬唔多夠,老公就落街買。


頭先剁洋蔥,我真係食住香口珠切,真係一D都唔會流眼水架!我預備完晚餐,老公都未清潔完間屋,所以我就帶住圍裙係床瞓著左,尋日又係咁,可能係呢幾日自己好早醒。


老公好鍾意食薯仔蛋沙律,所以我只係食左少少,其他都讓比佢吃,而
吞拿煙肉薯蓉我就食左1/3,佢只係食左少少和吃光舖面既煙肉,因為煙肉又是他的至愛,食完仲有飯後果添啵!


頭先睇〝掌門人〞真係笑死人,見到〝原子鏸〞和〝黃又南〞玩〝人肉呼拉圈〞,就好似我與老公咁,老公就好似〝又南〞咁瘦,而我就好似〝原子鏸〞咁大隻,我地兩個身形就係咁原殊,但我會努力架喇!



吞拿煙肉薯蓉 (內附食譜)

我以前有排O.T.做到好夜,最早都9點幾先返到屋企,咁夜都唔知食乜?我就會整呢個薯蓉做晚餐,我仲會預埋肥仔一份架!


以前自己瘦就會用好多植物牛油,因為令薯蓉滑D,但而家就盡量少。烚2個焗薯,再加煙肉、粟米粒、磨菇、吞拿魚沙律,係咪好豐富呢?所以肥仔話被我谷肥左。


老公又唔食粟米粒,又唔想買咁多料,買得多份量自然又多,所以都簡單D好D。其實,呢款薯蓉係以前摯友整比我吃,之後自己再加加減減,而家從不入廚房既肥仔有時都會整比娣婦吃架!等阿B遲D大個傳比佢先,一個傳一個,可以代代相傳丫嘛!


我鍾意整D薯蓉有D酸和鹹,食既時候仲要有D微暖,我覺得咁先好食。



吞拿煙肉薯蓉


材料:(4-6人份量)


焗薯 ()                 3


吞拿魚 (水浸)         1


煙肉                         3


洋蔥 ()                 1/4


植物牛油                 適量


椒鹽                         適量 (亦都可用〝准鹽〞)


沙律醬                     適量


胡椒粉                     適量


黑胡椒碎                 適量


做法:


1.          洋蔥切粒。


2.          吞拿魚隔去水份,用沙律醬撈勻。


3.          煙肉切細長形,白鑊略炒煙肉,備用。(想將油份減少,烚都可以)


4.          焗薯烚熟和腍,去皮用匙稍微整爛。


5.          趁熱加入植物牛油,邊撈邊壓爛。


6.          加入椒鹽、胡椒粉、黑胡椒碎撈勻,試味。


7.          再加入吞拿魚沙律和煙肉,試味。


8.          將少少煙肉放面作為裝飾,便可。



小貼士:


l        用植物牛油可以令到薯蓉滑D





薯仔蛋沙律 (內附食譜)

今晚我整左〝薯仔蛋沙律〞,早在2、3年前睇有線阿蘇教整沙律,有次朋友聚會我都有跟佢整,但冇跟足,朋友都話好味。前幾日又係〝蘇Good〞睇到教整沙律,今次又係冇跟足。


我冇用〝蛋黃醬〞,因為本身有蛋黃,咁又可以慳返D,蛋黃醬都唔平架!其實,材料和調味都係隨個人喜好,最緊要係試味。



薯仔蛋沙律


材料:(2-3人份量)


                    4


薯仔 ()        2 (363)


洋蔥                11


沙律醬            適量


煉奶                適量


                    少許


做法:


1.          洋蔥切成微粒。


2.          蛋烚熟,去殼切粒。


3.          薯仔削皮烚熟和腍,切粒。


4.          將薯仔和蛋粒放入大碗內,加入沙律醬、鹽、煉奶,試味,便成。


小貼士:口味隨個人喜好調教。





2008年12月26日星期五

香港冬季購物節‧冬日美食嘉年華@第六屆

尋晚去完街眼花花冇洗白白就瞓,所以成晚都貼住貼紙瞓,係屋住細女貼既。起身後又開始眼花,我諗可能係肩頸痛引至的,我立即去洗白白,跟住貼膏布舒緩一下,臨出門前食多粒長效。


之前阿嫂買野送左6張〝香港冬季購物節‧冬日美食嘉年華@第六屆〞贈卷,剛好我地每人一張,跟住阿媽又有朋友送左幾張贈卷,所以就拉埋高達叔叔去,而熊貓姐姐要返工唔去得。


今日約左12點係〝吉野家〞食野,而高達叔叔就自己食埋野,然後係灣仔集合,仲係有肥阿哥要返工晏晝自己去會場搵我地。


我都帶定環保袋預備大搜括,但收穫都不多,而且諗住可以去埋〝超閱世界〞,但時間唔夠。我係第一次去美食節,我一直都冇睇過張卷,以為淨係去美食節,去到先知原來仲有個〝家電及電子消費品展〞連住。




香港冬季購物節@第六屆


入到去人好多,但唔夠平時去開既展覽多人,場內都冇乜野吸引到我。



等肥阿哥時見到有獅頭,每年新年它一來到家門前我就會走,因為我好怕佢。



行行下見到TVB新聞採訪。



肥阿哥要野,等緊時突然老公叫我望後面,嘩~見到好多手高舉,然後又放低,唔駛講大家都知咩事。老公又係到講笑,攪到好攪笑。



仲有抽獎添!但係唔知係咪要幫襯佢,寫抽獎卷先可以抽。高達叔叔話個鬍鬚佬,係日本人係〝NOW〞用德國寶用具教煮野食,而個司儀我認得係〝TVB〞幾線演員,但唔見左好耐。




冬日美食嘉年華@第六屆


呢邊多人過〝香港冬季購物節@第六屆〞,兩個會場中間有條通道,係有人看守,不過憑一人之力又點抵擋人群,所以我就都不用行返出門口就入到去喇!人太多肥阿哥抱左阿B出去,後來肥仔和娣婦都出埋去,餘下我地兩公婆、阿嫂和高達叔叔行。


我只係睇到〝五香肉丁〞有得試食,但係都已被試光,全場都唔見有試食。你想買野都好難先迫得入。



呢間應該就係尋日新聞講既〝一蚊隻~北海道栗毛蟹〞,今日去緊係冇晒喇!不過,有好多人圍住個檔排隊買20蚊〝磯燒元貝〞,仲有清酒煮蠔,都有幾個人排隊。



我見到有雞仔餅,我好鍾意食,但要硬的。阿嫂陪我去買,見佢要鑿開都唔爛一定係硬野,16蚊半磅,我買左40蚊費事找,因為實在太多人買,我等既時間被射燈近距離照住,照到出晒汗和痛。


頭先企我地前面有個阿婆,係我叫既時候,聽到佢話等左好耐,我立即大大聲幫佢叫先,阿嫂都一齊幫手,終於阿婆買到,仲多謝我地添!見佢個樣好開心。


記得肥阿哥又鍾意食,買到出到去,佢居然話係以前鍾意食,早知唔買咁多喇!老公又唔好,咁硬阿婆佢地可能食唔到。我想整雞仔餅好耐,搵日一定要搵個食譜。



為食既我見到有豬、牛肉乾,緊係要買返D喇!阿嫂都買D比肥阿哥食。原本每人半磅辣牛肉乾,但得半磅唔夠,就要我地買豬肉乾,咁阿嫂就要左半磅豬,而我就要左半磅豬加牛,因為老公唔吃豬肉乾。


後來有人refill其他,就問佢有冇辣牛肉乾,問夾個個話冇,但fill貨既人又有得拎出來,阿嫂費事麻煩,就買多半磅辣牛肉乾。


阿嫂頭先幫身後既人問獨立包裝既豬、牛肉乾有冇得試食?夾果個人又唔理我地,身後既人見此唔理自己開左試食,不用說都知身後既人係阿媽級既師奶們喇!



平時肥阿哥公司就係幫呢間野訂紫菜和其他零食,雖然價錢差不多,但係平時要訂好多先有呢個價,所以大家夾埋買左一袋,我只係買左包勁辣紫菜和蒜蓉包。



我見十蚊支阿嫂又買,我又唔執輸又買返支,老公問我點煮,未諗到啵!



係呢邊臨走又見到TVB新聞採訪。



記者原來係企係條梯上面架!返到屋企晚間新聞又見到佢。



走既時候5點幾都仲有人入去。




離開左會展就行去〝金紫荊廣場〞,我係第一次去架!要影低留念一下,其實,唔上我一個第一次去架!



果到有好多檔有齊電腦和printer,做遊客生意。




灣仔都可以話係肥阿哥地頭,因為佢曾經係灣仔打滾左幾年,行下又講下呢到果到有咩食,後來見到〝Fat Angelo's〞大家都冇異議就入左去,不用多說大家都知呢間食乜。



首先每人送一個包先,個包好大個,唔係人人都可以食晒,因為食晒可能之後就食得唔多野,但我就緊係食晒喇!仲送多2個沙律。



今餐食左千幾蚊,有7個大人,每人要180蚊,叫左5杯飲品,汽水、檸檬茶係可以refill,呢類餐廳都必定有得refill。餸名我唔記得,請大家自己睇下喇!


Pizza好食過〝Pizza Hut〞,個併盤份量都好多,通常併盤好快吃光,但食到最後仲有,唔係唔好食,而係份量足,食物整體一般,係貴左D。