近排都開始訓練阿B幫手將垃圾放入垃圾桶內，佢都好乖會幫手，
有時買野回來都有叫佢幫手拎入嚟！咁緊係只是拎輕既物件喇！
之後我要整野怕佢攪攪振，所以比部MP4佢睇〝Pingu〞。
之前我都有比芝士阿B食，不過通常都係晏晝食，
但上星期睇過〝肥媽〞話小朋友食芝士會高D，
佢現任老公個仔小時候都係每朝早食芝士架！而家有6呎5高，所以轉上午食。
我緊係唔係期望阿B會有咁高，而係唔好太矮啫。
跟住我同佢玩，玩玩下佢滑到跌係地下喊左一陣，
後來見到佢右邊面紅左少少(第一行第一幅)，可能又因眼睏，
所以我比左個奶咀佢就笑喇！
佢一見到我食〝話梅〞又要食，唔知點解佢好鍾意食〝話梅〞架喎！
佢唔怕酸又唔怕辣。小朋友唔食得架嘛！唔比佢食~睇下佢喊得幾淒涼，
最後我都比左少少佢食。
食完呢樣又食果樣，睇下佢又走去騎樓自己拎個盒比阿婆比野佢食，
佢食食下又揑難晒！又要掃地喇！
阿B鍾意車，所以我放〝搞鬼甲蟲車〞比佢睇！睇下佢睇得幾定、幾乖坐係到睇！
老公~我知你有時間就會到我個Blog看看，我想記錄一下昨晚發生的事，繼而抒發一下我的情緒。
以前吵架不論是我對或錯你都會氹返我，但不知打從何時起你已很少這樣做，只是問我幾句而矣！
昨晚發生了一些事，我本來不想對你說出這個問題，因為我心裡有數知道你的答案是什麼，但你不停的追問我便對你說了出來，結果也是
這個問題我之前都有提出過好幾次，每次你都說會
從我地對話中你給我的感覺係你不覺得你自己有錯，我知自己在好多人的心目中好像是一個〝大小姐〞只是懂得發你脾氣
今早我沒出聲的叫你起床，只是拍拍你，你起來第一句說話我聽得不太清楚，但我聽得出你是帶點忿怒的
剛才你來電說：「會盡量去
尋晚去左〝Karaoke〞今朝又4點幾先訓，訓醒時已1點幾，而頭和骨都痛，老公就2點幾起身，之後老公去左〝大家樂〞買野食，食完幾個鐘後D野都未消化，我諗我可能開始作病。
這個3月聽到好多唔開心既消息，在上次去〝Karaoke〞時已知道開心果姐姐的媽媽舊病復發，這病是很難醫的，我聽到眼淚從淚線湧出，但我要收回不想增加佢心情的負擔，跟住就到熊貓姐姐的貓兒~〝阿囝的離逝〞。
另外，舅父的小手術~割除粉瘤，搵私家醫生係法國醫院做，但個醫生做法令阿公和阿婆都已經好擔心。阿婆還擔心到食唔落野，佢本身已經唔舒服架喇！真係唔知講咩好！
星期四，第一日老豆和舅母陪舅父十點鐘到入院，唔知要驗咩唔準食野，直到3、4點驗完阿媽和舅母拎野比佢食。
第二日舅母飲完茶就拎粥比舅父食，但要做手術唔食得野，但冇人講話幾時做架喎！等人係到餓喎！我差D想去醫院睇下咩事，等到成4點幾先做手術。
我覺得個醫生係到厄錢，因為醫生要book手術室實知幾點做架喇！乜都唔通知個病人，由得人係到等。我估佢見舅父係大陸人又豪乜都冇所謂，醫生好似係保險介紹，而個保險係熟人介紹，舅父每次都係一次過比晒一年既保費，所以厄佢囉！
頭先返屋企食飯聽到阿媽同舅母傾長途聽到阿媽問〝舅父仲有冇痾血？〞，阿媽仲話唔好擔心，擔心就中醫生計，我叫佢地轉醫生，阿媽叫佢地唔好返去佢到覆診，一陣唔知佢比咩藥你食。
這個小手術都要幾萬蚊個醫生真係好賺，我聽到初初要成十幾萬，而家先話要幾萬蚊，有錢都唔係咁比人厄架！我臨走時聽到老豆話個醫生做完手術時又驗到舅父個肝都有問題，我話個醫生有問題就真。如果舅父唔係買左保險就會係鄉下做架喇！咁睇呢個醫生與鄉下既冇乜分別丫！明天我都要去了解下實際咩一回事。
尋日收到開心果姐姐個SMS，之前以為有〝肝炎〞，但報告出左係另一樣更嚴重既野，如果這2日會痛就隨時有生命危險，剛才與她通過電她不是太擔心，因為明天佢放工後要入院，之後排期做手術，所以傾左幾句就掛線。
近日有咁多不好的事圍繞我身邊，又諗下我要唔要再去check多次呢？因為6、7年前阿媽因子宮有個惡性腫瘤即係〝癌症〞要立即做手術唔係就‧‧‧。
之後阿媽見我咁瘦個肚、胃腩都仲咁肥~怕我有事，所以帶左我去佢個醫生到照，見到唔記得〝子宮〞定〝卵巢〞有個水〝Pop〞(我與阿媽都忘了邊到)，當時阿媽問過要唔要做手術？醫生話暫時唔駛。
老公叫我去check下，但如果check又要好多錢，不過，女性有水〝Pop〞係好普遍，就算割左都會有機會再生，而且又唔可以做太多次，所以都係‧‧‧。
果時瘦成點？唔好睇我而家咁肥~果時我得101磅、腰得23吋咋！不過，我本身係肥既自己減到咁瘦啫！我都好懷念瘦既時候，老公識我時都係咁瘦架！所以佢都好想我回復識佢既時候。
29 March 2008
今次聚會係〝K Buffet卡拉OK~生日會〞，
分別為熊貓姐姐本月27日生日、老公下月9日生日，
其實，還有開心果姐姐明天生日，但佢有事沒到來。
我地去返上次高達叔叔係〝Green Box〞玩遊戲贏的〝全單7折〞coupon。
今晚令我重拾以往的回憶，大家都玩得好盡興、好開心，
這些情境好耐都冇發生過喇！以前我地幾個加〝開心果姐姐〞，
除〝至Fit姐姐〞外都常常一齊去玩，但漸漸人大左各有各忙都好少，
不過，〝美中不足〞係少左開心果姐姐。
今晚我地唔係食就係飲~真係飲到去多左好多〝殊殊〞，送既飲品都飲唔晒就走人，〝至Fit姐姐〞與老公搭的士回家，所以順路兜埋同屋住。我與老公就坐小巴回去，高達叔叔等埋熊貓姐姐上小巴先搭的士回去。
後補：
結賬時要千幾蚊~貴熊貓姐姐話當普通去唱K唔當慶祝，
所以生日的2位都要比錢，由原每人要2百幾蚊變百幾蚊。
這次參加者除2個主角外，仲有我、高達叔叔、同屋住、至Fit姐姐和她的老公，
但至Fit姐姐係老爺、奶奶家吃完遲D來。
大家都玩得好開心，睇下我地幾點入場，跟住唱到零晨3點才離開。
唉！入場紙人數6位，點解數到有7位既？
我地拎左房後至Fit姐姐來電~剛行出大廈就嘔唔嚟！
但拎房人數係有加冇減，佢話照比錢。後來嘔完至Fit姐姐又來電嘔完又冇咩事！
咁既情況至Fit姐姐老公緊係陪埋佢一齊嚟喇！
佢老公嚟到就去左洗褲，因為佢嘔到老公條褲都有。
這杯〝蜜桃沙冰〞味道唔錯，上次和今日我都係飲佢架！
這碗係湯，我聞到應該係〝粉葛湯〞，其他食物冇乜特別。
這個〝薯仔火腿粒〞係全晚最好吃的。
我本〝米奇卡片簿〞個米奇頭表面塊膠甩左，
高達叔叔專登買支噴膠幫我黏番佢~多謝你丫~高達叔叔！
上次埋單後比左2張〝刮刮卡〞~高達叔叔刮中3罐啤酒，
有啤酒緊唔少得有骰盅和〝lock〞杯。
而我就刮中〝避風塘小吃〞2碟，只可以選有相既食品。
我就簡左〝避風塘蜂蜜咸豬手〞表面睇好油膩，
但吃落味道唔錯和〝避風塘脆蝦條〞。
有酒、骰盅一定玩喇！所以之前3罐啤酒唔夠飲。
我地就叫左個〝啤酒套餐〞：
12罐啤酒、免4位個人頭、廚神小食一碟、指定飲品4杯，
但係老公唔飲得〝加士伯〞，所以要左3罐〝白威〞和9罐〝加士伯〞。
後來玩到又唔夠飲再叫左一次〝啤酒套餐〞，前後2套，
仲可以全單7折~真係抵上加抵。
這些飲品外面係冇得〝針〞的，除〝嵐谷綠茶外，全陪都可以order。
指定飲品4杯：至Fit姐姐叫左勁甜参蜜可以一開3，而我叫左〝Lime Seven〞，
但我覺得似〝Lime Soda〞多D，之後叫多3杯都冇再叫。
廚神小食一碟：2次都係叫左〝特式炸雞籃薯條〞，這個雞籃味道幾好。
〝加士伯〞送左2樣贈品：〝利物浦〞風扇和一支原子筆。
佢地玩〝幸運骰〞，睇下老公一次就搖到4條六一條四喇！
跟住同屋住搖左2次就有5條五，所以佢地都唔駛飲。
我都幫老公玩左幾鋪有一鋪我都與同屋住一次過搖到一樣，
後來有D人唱歌我代玩又與老公一次過搖到一模一樣架~幾〝橋〞！
十點後冇K Buffet，就會放置蝦條、芝士波，有時都會有水泡餅架！
到半夜一點幾就有消夜食，今晚有雞粥和之麻糊。
我地出到去熊貓姐姐要求多D花生和蔥，同屋住就加到全個面都係，
熊貓姐姐見到即刻攪勻它，所以影時都不是太多。
同屋住趁我影緊相時連我碗之麻糊都加埋花生~激死我！
返入去後我就將D花生連之麻糊加入佢碗雞粥到囉！哈~哈！
老公又要吃粥，咁我就出去整多碗比佢！
埋單時又比左3張〝刮刮卡〞，我又刮中〝避風塘小食〞2碟，
而高達叔叔又刮中〝啤酒3罐，但同屋住5份一機會就刮中〝多謝〞，
即刻比我地〝疼〞佢。
尋日都係見到架小巴司機門歪左閂唔埋，點知今日返去連小巴車頂都歪晒，
個牌有一邊腳斷左。
佢而家一冇落閘就自己行出騎樓拎阿婆個食物盒要拎野食，
佢仲要擔埋櫈仔霸頭位添喎！
尋日落完街返嚟睇〝Noddy〞就訓左，今日落雨冇落街，
點知佢睇完〝Noddy〞又比我鬧完又喊完都唔訓，
後來食埋午飯隔左一陣阿公拍拍下就訓左喇！
佢由2點訓到3點幾，一訓醒第一件事就走去騎樓又拎阿婆個食物盒要食野，
我等佢食完野就同佢落街行，佢今日好乖全程都係自己行、走。
又見客氣婆婆和其他朋友，個個都話佢走得好快，阿B真係好開心。
今晚走時阿B又拎鞋仔，所以我和老公都帶左佢落街散步，衰豬好攪笑，
氹得我地和其他街芳都好開心。
