2007年10月30日星期二

昨夜的一場夢‧‧‧

尋晚我大約十點幾就睡了,

還未做完,為何那麼早就睡,因為你~老公。我常常整到你都不知道,有時我整到
你都冇反應,你的答案係
,可能是我比較
,所以你不覺是一回事。


尋晚我又整到,雖然你有問我咩事,但我沒有回答,因為你眼只顧看著電視

,當你問到有點不耐煩才過來看我,之後我嬲得滯
就去睡就發了一個夢,在夢境中‧‧‧



晚上,我和你與一班朋友去睇戲,散場大家行出戲院,之後去到一條行人天橋,你不見了,剩下我和其他朋友,之後我地在天橋上分左2group人傾計,之後就轉了另一個故事。


我和一班朋友在其中一個朋友的屋內,還有她的親戚,我在房內用電腦

,中間發生的事我都忘了,之後我出房間問其他朋友呢?他們說走了,弊!得我一個人,點解唔等埋我丫?我說了
立即走人,打比你說出這件事,跟住又返回之前的地點和人物,但場景轉了少少。


我與一個朋友站在商場與商場中間的行人天橋上傾計,而其他人就在另一邊天橋傾計,我見你咁耐未返我就打比你,我感覺到你當事和另一個朋友好似送人回家,總之有事做,與你傾電話時是白天,但天色灰暗。


我:你幾時返。


老公:6點半。


我:咁耐?


因為我望一望手錶是大約是4點1至4點3,要相隔咁耐才可以回來,跟住我同朋友講去找你,我去左坐巴士,然後我按鐘落車,我行到去車門又行返轉頭,因為我忘記了拎傘,但在車窗的鐵欄上有幾把傘

,我又唔記得邊把係我,擾攘左一陣司機就關上車門,之後我行去司機旁。


我:「我未落車。」


司機話:「唔緊要喇!下個站落。」


我:「頭先你又唔比我落車?


突然間上左橋,我望出車外是有好多條橋,我好驚打比你


我:而家唔知係〝東隧〞定〝西隧〞?


司機居然笑住話:「唔緊要喇!都係一樣。」


跟住我就咸

,因為我唔知點~好驚
,感覺到我去左好遠好遠的地方,夢就結果。


夢一結束我就醒,當時我發現自己是扁了咀想咸

,但我是清醒的,所以制止了自己不要咸,然後我睇鬧鐘是4點9,之後繼續睡


這個夢是不是有東西想表達出來呢


2007年10月28日星期日

為何一句會動肝火?


我上次整〝藍莓芝士餅〞還有材料剩,正因這原因我前幾日己相約好肥仔今日去肥阿哥家,但要等阿B在2點鐘放學先,我就在家整野。


我和老公未食早餐和午餐,所以就買外賣上去吃。肥阿哥係房拎左袋野出黎話係阿嫂買比我的,有2個盒分別是〝阿Jack〞

&至愛〝米奇〞
看圖識字~盒上有個碗,好野!這份禮物對我來說是很有意思,夜晚一齊回家吃飯。



肥阿哥食完飯,又拎2隻碗出黎睇,點解〝又〞?因為頭先比完我後,佢又拎過黎睇。唉!2隻都係〝米奇〞碗既?原來得一個〝米奇〞盒,所以售貨員用〝阿Jack〞裝住,肥阿哥話靚咪睇多幾眼囉!吃過飯後各自回家,返到去我拎出黎睇,就同老公講。


我:「點解個個人都送碗比我既?」


老公:「你成日打爛野。」


我:「我邊有打爛野丫!」


就是老公一句「你成日打爛野。」令我唔開心

。老公即刻兜~你成日做野〝打衝鋒咁、柄柄彭彭〞,人地咪以為你成日打爛野囉!咁你有冇同阿嫂講過?我梗係冇喇!無端端講黎做咩丫?你當我傻架!


大家會好奇怪,這麼小事為何我會咁小氣又唔開心呢?因為碗與我有個故事‧‧‧


初初與老公一齊時,有一個要好的朋友送了一對〝日本〞

飯碗給我,寓意我與老公〝一雙一對〞,之後因一些事給別人打爛了,我沒有怪責他,因為不是他想的。


跟住5、6年前另一個好朋友送了一對〝米奇&米妮〞飯碗比我~我好鍾意的,這對碗對我來說是很特別的,因為這個朋友可能再沒有機會與她見面,這對碗埋藏左我與她的感情和往事,我要好好珍惜這對碗,之後我仲買埋同一款湯碗襯埋一套,但2隻飯碗不小心給別人打爛了,即時我緊係話唔緊要喇!唔在乎咁,唔通同人講這番話,聽到實唔開心喇!我有上網搵過,又去Bid野的地方搵,仲同老公講:「如果是〝二手〞我都會買。」,但係都係冇。


在大半年前,其中一隻湯碗都給別人打爛了,我都是與上次一樣~沒有怪責他,我知道他不是有心的。他有去搵過想買回一隻一模一樣的給我,但都是無功而回找不到,我叫:「唔好搵喇!出左好耐,由佢喇!」,試問咁耐世紀之前又點會搵到呢?所以現在剩下的只有一隻湯碗,我都有買回另一對〝米奇&米妮〞碗~都不是那回事,因為感情是不能買回的,但唔知點解新的碗其中一隻又崩左少少。


幸好不是我或老公打爛,若不然會更加不開心,唔知點解屬於我的碗都是這樣,唔通寓意我與老公‧‧‧?今次我要好好珍惜&保護阿嫂送給我的一對碗。


肥阿哥好鍾意〝高達〞架,所以上次係〝高達展〞拎左本場刊比佢,今日見到實物喇!



Hello Kitty 洗衣機

嘩!伯伯送架~



我和老公3點才出發去肥阿哥家,我地未食早餐和午餐,所以就買外賣上去吃。我去到見到阿B指定動作,就係企在〝梳化〞上拎住〝搖控器〞,跟住又走去肥阿哥房用〝搖控器〞玩電視~點解唔得既?又走出廳,都係唔得,梗係喇!係〝有線~搖控器〞伯伯轉左〝Now〞喇~傻仔!


肥仔和娣婦剛剛吃完,到我地開餐,阿B見到我用碗夾〝乾炒牛河〞落個碗到,佢就係老遠一邊張大口一邊行過黎,不過唔好意思~太油膩你不能吃,況且我係比伯伯架!阿B見到我比肥阿哥立即走去肥阿哥到,例牌動作,但都係冇得食。


魔鬼牛角係肥阿哥尋日係公司BBQ派架!


小魔鬼丫~



你話我靚唔靚呢?



睇下幾〝老積〞~



 


2007年10月27日星期六

挽回信心~金寶焗芝士白汁長通粉 (內附食譜)


原本我都冇諗住寫這篇網誌,但係我今日的〝芝士長通粉〞令我挽回信心,所以令我有衝動寫出黎。


尋日我與老公每人一兜,但係老公都吃左一半,而我就食左1/3,因為汁唔夠好乾,我與老公都覺得唔好食,仲覺得自己整這款簡單款式越黎越難食,真係冇乜心機。


今日我就再去買多罐〝金寶湯〞做汁,我一向都係用〝金寶湯〞當白汁~方便快捷。再將尋日用剩的煙肉全部爆到〝脆卜卜〞,因為老公鍾意食。嘩!好多汁、好味好多,老公覺得唯一不足是芝士不夠香,因為買唔到〝Parmesan Cheese〞冇法喇!用左普通片裝〝卡夫芝士〞。


金寶焗芝士白汁長通粉


材料:


長通粉                            1


金寶湯 (任何味道)       2


                                    1


配料:


煙肉                                1


磨菇 (切片)                   1 ()


雞扒                                1


雞扒醃料:


                                    少許


                                    少許


豉油                                少許


老抽                                少許


生粉                                少許


                                    少許


麻油                                少許


胡椒粉                            少許


做法:


1.            將雞扒洗淨,抺乾水,再醃雞扒,備用。


2.            長通粉出水,備用。


3.            將一部份煙肉爆炒至〝脆卜卜〞,備用。


4.            配料分別爆香後,加入長通粉一起炒勻,再加〝金寶湯〞和水兜勻。


          *試味,若味道不夠,再加味。


5.            再放入錫紙兜內,舖上芝士。  


6.            250℃焗15分鐘或芝士微燶。


7.            最後放上煙肉焗多一陣,即成。


2007年10月26日星期五

烤雞翼~焗爐版‧〝開齋〞煮飯仔 (內附食譜)


我今日放假諗住煮飯仔,尋日係Blog友到搵到〝Mandy - 烤雞翼〞的食譜,晚上立即用煎Pan煮做測試,咁明天就不用擔心好唔好食,好在大家試過都話好。



今日晚餐煮左2兜〝芝士白汁長通粉〞&〝烤雞翼〞,長通粉有剩可以留待明天再吃。尋日的〝烤雞翼〞比今天好吃,可能是我的技巧問題,所以唔好吃,下次我都係選擇煎。我的材料份量是與原食譜不同,想睇原食譜請入〝Mandy- 烤雞翼〞。


烤雞翼


 料:


雞翼                        1 lb


醬油                       1 1/2湯匙


喼汁                        1 1/2湯匙


糖膠/蜜糖               2湯匙


茄汁                        1湯匙


檸檬汁                    1湯匙


乾蔥茸                    1湯匙


                            1/4湯匙


黑椒粉                    1 1/2茶匙


做法:


1.           雞翼洗淨,抺乾水備用。


2.           將所有調味料混合醃雞翼數小時或過夜。


3.           用250度焗約20分鐘或至熟。


4.           最後掃上蜜糖焗多一陣即成。


可將汁液煮至滾,淋在雞翼上。


2007年10月25日星期四

烤雞翼~煎Pan版‧同場加映‧蠍子湯

呢埋黑色野,吃不到燶味,味道不錯架!


你飲過未,之前我都未,但今日就係唔知情下嚐到~


今天和明天阿媽都放假,不過今日阿媽要與老豆回鄉去細舅母家取

煲湯,因為阿媽皮膚不好常常都要睇醫生,而細舅母聽說
煲湯對皮膚好,所以就叫細舅母拓人去廣州買,仲要係好貴添!而家冰箱仲有係到


明天我可以放假喇

!我見搬左黎咁耐都冇煮過飯,所以就趁明天放假就
,尋日都問過老公想食咩?但佢話由我話事,我想用焗爐烤雞翼好耐~好就整雞翼,我上網搵到一個幾好的食譜,咁還有什麼好呢
?都是明天才算吧!


今日就在家中醃定雞翼明天煮,我諗橫點都係就整多D今晚做餸,由於家中沒有焗爐,用微波爐又唔知攪幾耐,所以都係用煎pan。當我下鑊後,雞翼的香味尤如BBQ的燒雞翼香~正,但係我一邊煎一邊做其他野,忘了反轉攪到個面燶晒,但野不可以睇表面既,吃的時候一點燶味也沒有,亦不覺得熱氣,味道相當不錯。肥仔都應同我~雞翼像BBQ似的,跟住肥仔又問娣婦。


肥仔:「似唔似〝蜜蜜燒雞翼〞?」


娣婦:「都有D似架。」


肥仔:「如果冇左D黑椒就一樣。」


娣婦:「嗯!」


希望明天都成功就好喇!食譜明天送上。


睇下傻BB‧‧‧

平時阿B都係趴轉訓

,但尋日有些特別,睇下佢訓到似咩‧‧‧



今晚阿媽煲左D

,所以我地奉聖旨送去比肥阿哥,你地睇下阿B又被肥阿哥整蠱喇!咔~咔~咔~



2007年10月24日星期三

心中有愧、終於哭了~

〝妙手人心II〞都做完老公還未下班,每天看到你拖著

回來
,你知我心有多


你很久都未試過這麼忙,在上星期你的工作開始非常忙碌

,因為預備明天有客去你公司做
,所以上星期五的假期都要返工。這幾天忙到不能來我家吃晚飯,唯有我在家中用保暖壺帶飯、湯、餸回去等待你回來吃。


今晚比平時還要夜,11點幾致電給你,問你:「你幾時返丫?我怕D飯餸凍。」,你話唔知幾時放工,你話比我聽頭先肥仔找你幾次,在最後一次當你掛線後,

(公司大陸日本同事)
企在你身後,之後話你講電話~說明天不可以再這樣。我聽了後真的很想咸
,你做得咁辛苦,而我就只是坐在家,只可以待你回家幫你按摩,再不能為你做什麼。說了幾句就要掛線,因為
就在遠處,與你掛線後哭了出來


你常常對我說工作上的不滿,我都知你做得好唔開心、好辛苦,你做得好沒有人讚,但一有鑊氣就一定要孭,仲每一個人都被

,遲到1、2分鐘都會被人
,平時幾搏都冇用,壓力又大


正統上你從沒有對我發過脾氣,就算我發脾氣、鬧你,你只是聽不會出聲,因為你不想我唔開心,所以樣樣都會遷就我。雖然,我知你心中的煩惱

、擔憂
,但你從不對我說,不釋放出來,這樣令你更加辛苦。所以你記得上次我發脾氣嗎?其實中途我已沒事,但我感覺到你有野想講,但又不說,所以我專登令氣氛更彊,最後你都說了心裡的話,雖則問題還未解決,至少心裡的包袱可以釋放出來。


我是真的知道常常對你發脾氣是不對,但我又不能控制自己,可能自小家人寵壞,我會盡量去改,起碼你會少一些壓力。


老公咁疲倦都電致問我要唔要吃東西,回來見到你夾唔到餸,想拎筷子比你,但你說不用,只是手震,我想是因為你攰,快D吃飯去睡

,明天再努力,等我洗碗
和晒衫