我之前講過等阿哥&大嫂去完蜜月之後，煮一餐比佢地食，適逢今個星期不用O.T.，而且都應承左好耐，所以係上星期五我就附著實行喇！
當日由早上11點幾開始預備晚餐，我整左
，呢個情況好耐都未見過。以下係今次的評語/結論：
春卷：
辣蒜雞翼：老公話雞翼係當晚最好食既餸，我就覺得同平時一樣，但我地都應為冇上次4個老人家回鄉果次咁好食，但都係剩下4-6隻。
美味香橙骨：佢地依然覺得唔好食，但我覺得好左好多，由於我未食過唔知真實味道如何，只靠感覺&直覺去煮，但食剩3條，我見阿哥個位都有好多骨。
黑椒牛柳粒：阿哥覺得有D牛柳靭，靭既原因係我用左加拿大牛柳&蒙古牛柳煮，我唔見得將2隻牛分開煮，加拿大牛柳夾住一些肥糕，而蒙古牛柳就全肉，一齊煮時會蒙牛就會靭。整體上都好味，我覺得有D似出面街既味道添，老公都話同出面差不多。
阿哥叫我下次煮D阿婆都食得既餸，係知道。阿婆怕熱氣唔食熱氣野，但每次我整春卷都食2-3條架。
貼士：
有次同老公煎牛扒飯仔，但supermarkt得蒙古牛扒，其他都冇晒，老公想食係冇信心&冇選擇之下咪唯有照買，但食落都幾好一D都唔靭，不妨一試
。
23 April 2007：發燒38.1度 (攝氏)
半夜我見冇野做就落去7-11扭蛋，點知部機壞左，我就買左本BB雜誌，到5點幾由於冇野做，所以眼訓，我就訓左幾個字，到6點幾派粥，我抱起訓緊既阿B，我諗住佢咁胃食放個羹係佢個口到會食，點知佢冇擘大眼就Bu唔食，唯有由佢繼續訓。
醫生巡房睇過阿B話應該係傷風&感冒，如果今日都冇燒，再觀察多一日就可以出院，聽到都開心。(應該唔係阿B個主診醫生，因為名係女，而人係男)
由於娣婦病左，所以今日放病假，佢睇完醫生後買埋早餐比我食，由於娣婦阿媽黎到，叫我回去訓下，所以我食完早餐就回家。回到家中我都冇訓，打電話比朋友了解昨日"Brithday Party"既情況，跟住又整左馬拉糕，但失敗左。我食完飯&白白完就同肥老&阿婆去左醫院，今晚由我娣婦留守醫院，明天肥仔放假，一早我地就去接更。
今日阿B轉床位去左多人果邊，冇咁悶可以同其他媽咪傾計，阿B又成日望住大頭仔媽媽笑，有時又望下大頭仔玩&笑。
24 April 2007 ：發燒37.7度 (攝氏)
早上8點幾就到醫院，娣婦走了，9點幾醫生巡房睇完後提意比阿B放假一日回家，但我唔想走來走去，因為照尋日個醫生講明天可以出院，所以拒絕左(應該係主診醫生)，到中午時娣婦阿媽&二家姐黎到，我就同肥仔出左去食野，回來時阿B已訓左，娣婦阿媽&二家姐好開心講頭先阿B跳舞，我話係丫平時都係咁，我問佢有冇"Joba"，佢地話冇，如果佢地見到我諗仲開心丫
！晚上8點幾阿B醒左，好眼訓又唔肯訓又扭計，唯有抱住行來行去，到10點幾聽到有人話開奶，我先記得阿B要食奶，雖然食唔晒，但扭多一陣就訓左。
趣事：
我餵阿B食包又請大頭仔食包，大頭仔接過包包後望住媽媽批准先食，大頭仔將個包打橫係中間咬，食法好得意，阿B見到大頭仔食，即刻唔執輸張開口示意要食包包
。
我預左今天出院，所以今曰老公下午放假接我地出院，等到醫生巡房，唔係同我講出院，而又係放一日假回家，因為病房內有好多小朋友發燒，醫生怕阿B被傳染再發燒，如果明天回來都冇燒就可以出院，老公叫我等埋佢先出院，早知尋日放假回家晚上阿哥致電問阿B病況，得知安好而且訓左，晚上8點幾阿B醒就致電比佢過黎睇阿B，因為之前話阿B早醒就打比佢。 
。我要等護士比藥單我&教我幫阿B"聞氣"係一D擴張氣管氣體，回到家後阿B都冇燒。
扭蛋：
係半夜執定野，見到麵包過左期，我走左去7-11買包比阿B食，順便睇下扭蛋機整好未，哈哈~~~整好喇
，我走去扭，真係26 April 2007
雖然昨日我將所有野拎走，但我怕有什麼意外都執左一個手提旅行袋既必須品回醫院，約上午9時回到醫院，今日又係另一個醫生，睇過阿B後話可以出院，等護士比藥單我&住院單據，之前老公叫我唔駛帶野回醫院，好在我冇聽佢講，因為阿B肚餓，食完奶玩多一陣就訓左，我趁阿B訓左就去繳費&拎藥，我擔心阿B醒左，因為繳費處好多人，繳費完我就急急腳去藥房拎藥，回到病房離遠已見醒左，我就跑過去，好在大頭仔媽媽幫我比番個奶咀阿B，真係唔該你丫本應想坐的士回家，但肚餓而且我又想阿B曬太陽和吸下新鮮空氣，所以我決定坐小巴去買"麥麥"之後行路回家，實在太肚餓走時係7-11買左個包，預備係小巴時同阿B一齊分享，由於我很少搭小巴唔清楚路線，所以我問車長經唔經我要去既地方，車長話經咁我咪嘟，突然我覺得唔對路，因為距離目的地很遠，我就問車長，居然車長話“你又唔出聲”，我話“咩唔出聲”，車長話“你又唔早D講”，車長就由開線cut去埋線比我落車，我上車前都見到佢同我前面乘客有些爭執，係車上又話車長態度不好，態度好D都話冇咁嬲，你話係咪激死，而家我要再行一段路去搭另一架小巴買"麥麥"，去"麥麥"前去左"惠康"買餸，就係咁拎住3袋野同阿B踏上征途，阿B在回家途中訓左，雖然有些辛苦，但都值得既
。於是我背住阿B、咩住手袋&手拎行李袋，步出病房。小插曲：
。
係我預備走之際，發現阿B痾左臭臭，要換埋片先走得，可能阿B想留D紀念品比醫院掛終於用2篇記錄左阿B今次既打仗既過程，希望阿B既病亦隨著呢篇記錄一齊完結。
。
今日終於返到老公屋企喇，呢幾日都唔得閒，點解因為阿B上星期四(19/4)開始病，22/4仲入左醫院添，以下係連日黎與阿B打仗既經過
。頭先零晨2點幾，在我睡夢中聽到阿B叫，由於攰所以冇咩意識去睇下係咪真，但突然聽到我娣婦叫我之前話阿B發燒，我就成個人彈左起身，見到我娣婦抱住阿B，我就即刻落床摸阿B─真係發燒，其實係夜晚既時候我都覺得阿B好似發燒，我地就即刻比水阿B飲、貼退熱貼、餵退燒藥&探熱，嘩！阿B燒到102.8度，等天光就帶阿B去睇醫生。攪到4點，我叫娣婦去訓，而我就陪阿B訓，因為娣婦平時要返工攰，我又唔駛返工，梗係等我睇住阿B喇，橫掂5點幾又要幫阿B探熱，跟住7點幾又要食退燒藥，再到10點幾又要去睇醫生，所以我都冇打算訓，而且我都可以唔訓覺既。
睇左醫生話阿B個病係“輕微支氣管炎”，跟住我地去食飯，阿B係我地食飯既時候好乖訓左，食完飯就去行吉之島，在途中阿B醒左，所以去到吉之島就餵阿B食粥，係差不多食完既時候，阿B就嘔，初初就少少後來由如開水喉一樣，因為我抱住阿B食粥，結果我&阿B都中招，由於我身污“租”，後來由我娣婦抱住阿B，所以都中左少少野，跟住我就抺走我身上既野&清潔地下，因為呢D厭惡性工作，無謂麻煩人喇，娣婦就同阿B換衫，而我攪掂晒就去換衫，點解有衫換，就係娣婦將佢件外套比我著，之後就搭的士走人。
唔知點解如果我摸小朋友覺得佢係發燒，講比其他人聽用，有時佢地唔覺，但用探熱針探就真係發燒，真奇怪！
20 April 2007：發燒103.4度 (華氏)
阿B個病未有好轉，一直燒緊又冇胃口，好在又唔係好扭計，但每蓬半夜2點幾就開始扭，今晚又係咁，燒仲未退，所以我地終於決定送阿B入急症室，去到例牌要等喇，但我眼見唔係好多人，病人10個都唔夠，而係分流站既醫護人員就一個人都冇囉
！等既其間我同肥仔去左1-11，點知比我見到有
，我又見到有一個BB入黎睇急症又係發燒，好似等左大半個鍾至一個鍾到，我見唔對路咁耐都未有人睇阿B，咪走去登記處問幾時得，我話“唔該，要等幾耐，因為BB發緊燒。”，登記處職員唔係好想答指住診症室“你入去問下姑娘”，我咪叫肥仔&姊婦入去問下，之後另一BB老豆又問，又係點左佢入去問，之後佢地連同護士一齊出黎，要問先至有人睇，發燒可大可小，仲要係小朋友，你話幾悲哀，但我唔知佢地係入面係咪有大單野攪，但如果有會叫咪宣佈，但我又唔聽見。到分流站時，我突然聽到個護士好
，於是我&阿媽就行過去睇個究竟，我地見到同阿B耳探，話冇燒，我倆阿媽即刻話耳探唔準，姑娘話咁肛探，21 April 2007：發燒100.6度 (華氏)
今日我、肥仔、娣婦&阿B下午3點幾過左我哥到玩，大家都玩得好開心，肥仔幫阿B白白時，仲攪到條褲濕晒添，阿B坐係窗台突然咳到嘔，又要白白多一次lu，次次嘔完實喊到收唔到聲，好在氹左一陣就冇喊。
22 April 2007：發燒102.8度 (華氏)
今日本應去朋友個仔既"Brithday Party"係麥麥攪架，仲應誠左借相機到時影相，但今朝10點幾阿媽打黎話“你唔駛睇阿B呀？”，我話“咩事丫”，佢話阿B剛剛又去左急症室，我聽到之後就好擔心，唔知點算好，我叫醒老公問點好，佢就叫我打比肥仔睇下要唔要我地去，肥仔話冇野做咩黎，我最終都係去左醫院。
我到左急症室都唔見佢地，打電話一係冇人聽一係留言，老公話應該睇緊醫生，咁我地就去左去7-11，因為我想扭蛋
，我扭第一隻居然係阿Pooh，咁好彩我緊係扭多隻喇，點知又係貓貓，老公鬧我，所以冇扭，回去途中肥仔打黎，原來頭先去左照X-ray睇下個肺有冇事，再等見醫生時，同肥仔講一扭就中左阿Pooh，點知佢詬頭先又係一扭就中左阿Pooh，早知我就唔扭喇激死
，而家即是差米奇就齊一套。
今次見完醫生就 要留院，我地上到病房安頓好，娣婦阿媽黎到(食左野)，我地就去食飯先，食完飯回來阿B訓左，隔多一陣阿哥&大嫂都到了，阿B又醒左，見過後阿哥、大嫂、我&老公走，我&老公回家執必須品黎，回到家入門口同肥老講野唔應，之後問等我執完野一齊去睇阿B就有反應，去到肥老都唔捨得出黎，一直坐係入面，直到阿B食奶先出黎，食完奶玩多一陣後肥老&阿婆就回家，我&老公去食飯，肥仔&娣婦去食飯，因為今晚我會留係醫院睇住阿B，食完飯回來就見到老豆、阿哥&大嫂係到喇，全部人係8點幾就走左。
病房內每個小朋友既病徵都差不多，阿B係入病房左手邊得2間房&4張床，而右手邊就有12張床，直入仲有其他房，我地擔心醫院咁嘈阿B好難訓到，因為BB唔舒服實扭，好彩上算OK。
小插曲：
夜晚我&老公食完飯，搭Lift走人，架Lift突然〝櫈〞左一下之後就好似冇郁喇，老公話困Lift，但我話唔係，因為事實往往都係唔接受，我抬頭見到顯示屏係14/F，但其實我地係4/F入Lift，我唯有接受，禁警鐘都冇人黎，我就自行報警，唔記得等左幾耐警終於有人黎，點解咁耐因為顯示屏係14/F，護衛員唯有由最高14/F往下搵，攪到我係醫院幾日都唔敢一個人搭Lift，之後我都係行樓梯，好在兒童病房係1/F咋。
我想整芒果糯米滋好耐，但一直都係冬天，無芒果買，今次終於到芒果季節，所以我可以整喇！份量同平時既有些分別，我發覺而家既芒果汁比以前既酸好多，所以我用砂糖多過平時，加上用芒果汁個漿比較稀，初初叮左4分鐘，但發覺中間都係有些水，我逐分鐘加上去，結果叮左6分鐘，我包既時候都係覺得軟身，我估可以叮耐一些，但上次放入雪櫃一陣就好硬，今次我放入雪櫃幾日都不會覺得硬，Good~~
芒果糯米滋
材料：
椰汁 一罐
糯米粉 (用椰汁罐份量一樣) 一罐
白砂糖 (用椰汁罐份量一樣) 一罐
芒果汁 一包 (250毫升)
椰茸(包完先用)
做法：
1) 全部攪至完全無起粒(可用網隔至無粒)。
2) 放係入得微波爐既碗內，用微波爐叮6分鐘。
3) 用微波爐保鮮紙搽小小油，然後用匙羹取所須份量，放係微波爐保鮮上，就可以包入餡，然後沾上椰茸即成 。
我第一個焗既蛋糕就係呢個喇，而上面士多啤梨花都係我第一次做架，蛋糕味道都唔差，我係咪好叻女呢，kaka~~~
焗士多啤梨芝士餅
材料：
忌廉芝士 (Cream Cheese) 280g
糖 (Sugar) 80g
蛋 (Egg) 2隻
牛油 (Butter) 22g
粟粉 (Cornstarch) 10g
淡忌廉 (Wipping Cream) 28g
製法：
1. 先將芝士、粟粉貿糖拌勻，攪至滑身。
2. 將蛋分二次加入拌勻。
3. 將牛油及忌廉隔熱水溶解，拌入(1)(2)之混合物內拌勻，倒入蛋糕圈內。
4. 以上下火180度焗25分鐘即成。
酥底材料：
牛油 (Butter) 50g
蛋 (Egg) 6g
糖 (Sugar) 20g
麵粉 (Cake Flour) 55g
杏仁粉 (Almond Powder) 5g
做法：
將牛油&糖拌勻，加入雞蛋，攪至白身，加入麵粉及杏仁粉拌勻，入爐以180度火焗至金黃色即成。
備註：
我冇用杏仁粉效果一樣。
菠蘿包
食譜來自：專業麵包製作
材料：(約8-9個)
高筋麵粉 200克
砂糖 40克
奶粉 6茶匙
吉士粉 6克
依士 3克
溫水 100克
牛油 20克
蛋 30克
菠蘿皮材料：(約14-15個)
砂糖 45克
食用臭粉 0.5克
梳打粉 0.5克
麵粉 100克
奶粉 2茶匙
固體菜油 55克
蛋 4克 (約1茶匙)
淡奶 5克 (約1茶匙)
檸檬黃色素 少許 (沒有用)
菠蘿皮做法：
食用臭粉、砂糖、梳打粉先拌勻，然後加入其餘材料攪勻便成。
做法：
1) 依士與溫水拌勻。
2) 其他材料同放盆內，之後加入依士水，再用手將所有材料攪勻。
3) 將麵糰倒出放在桌上，用手推開麵糰。
4) 將麵糰對摺(令麵糰產生筋性)或用力敲摔麵糰。
5) 再對摺至有筋性及不黏手。
6) 測試麵糰：搓至麵糰表面光滑，用手拉開時成薄膜狀即大功告成。
7) 盆內塗上一層薄固體菜油或溶牛油。
8) 將已搓滑的麵糰放入盆內，蓋上保鮮紙(以防表面乾硬)。
9) 將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。
10) 手指測試法：把手指插入根粉中，再將手指慢慢插入已發大的麵糰中，然後取起手指。
11) 若手指離開後麵糰仍留有手指形空隙，即表示第一次發酵完成。
12) 將麵糰分割成8等份。將每份麵糰輕輕拉長 (摺兩摺)。
13) 然後用保鮮紙包好麵糰，鬆弛10分鐘。
14) 將麵糰放桌上打圈滾圓，把空氣擠出。
15) 搓成表面光滑結實的球形。
16) 放在已掃油的焗盆上，蓋上保鮮紙作最後發酵，約30分鐘。
17) 發酵完成後，麵糰約2-2.5倍大，掃上蛋液。
18) 鋪一塊保鮮紙在桌上，放上一份菠蘿皮。
19) 將菠蘿皮用手壓扁至麵糰大小。
20) 將菠蘿皮輕輕放在麵糰上。
21) 掃上蛋液
22) 用牙籤界上格仔花紋，放入預熱200-210度焗爐，約焗15-17分鐘。
，亦成為我鍾意既麵包之一
，這次的製成品我係第一個品嚐
。食譜來自：專業麵包製作
牛角包
材料：(約10個)
高筋麵粉 160克
低筋麵粉 40克
依士粉 4克
砂糖 20克
牛油 10克
奶粉 8克
鹽 3克
蛋 25克
溫水 100克
牛油 (夾) 100克
做法：
1) 將依士加入溫水，置桌上2分鐘。
2) 其他才料放大盆內，再加入依士水。
3) 用手將所有材料攪勻。
4) 將麵糰倒出放在桌上，然後用手搓勻麵糰。
5) 將麵糰放入已掃油的鋼盆內，蓋上保鮮紙進行發酵，約45分鐘
6) 發酵完成後，麵糰約為原來的2.5-3倍大。
7) 桌上撤少許根粉，倒出麵糰拍扁。
8) 用保鮮紙密密包實麵，置雪櫃的冰格內冷藏約半小時。
9) 從雪櫃取出牛油(夾)，壓薄成約2分厚的正方形。
10) 從雪櫃取出麵糰，用木棍輾大成長方形，約牛油的2倍大。
11) 牛油放在麵糰的一端，將麵糰另一端覆蓋牛油。
12) 掐實麵糰三邊開口位，收口。
13) 撒少許根粉在桌上，用手將麵糰均勻地壓扁。
14) 用木棍輾成長方形，將三分一的麵糰摺向中央。
15) 再把另一端摺疊其上，形成三層效果。用保鮮紙扎麵糰密密包實，放回雪櫃內冷藏約半小時。
16) 重複步驟13至15兩次，再用保鮮紙包實麵糰，放回雪櫃內冷藏約半小時。
17) 用木棍輾薄麵糰成長方形，用薄餅刀或刀切去四邊，使有層次感。
18) 再切割成底長約8cm、高約12cm的三角形。
19) 在三角形底部中間切一小刀。
20) 將底部向上摺一下，然後向上捲。
23) 將麵糰由底部捲起至尾，成牛角包。
24) 放在已掃油的焗盆上，蓋上保鮮紙作最後發酵，約40分鐘。
25) 發酵完成後，約成造形後2-2.5倍大，掃上蛋液，放入預熱200度焗爐，約焗20分鐘。
〝專業麵包製作〞這書內食譜是全麥包，我將佢變化成提子麥包，因為係第一次整提子全麥包時既黑麥粉和提子都未用晒，所以我係食譜內我加左黑麥粉，而我不喜歡食合桃用左提子代替，結果就變成提子麥包喇！唔知係咪我改左材料，所以失敗，但應該唔會架，究竟點解會失敗
呢？
提子麥包
食譜來自：專業麵包製作
材料：(2個6吋方包模)
高筋麵粉 100克
全麥粉 100克
黑麥粉 1/2茶匙（原食譜冇，我自己加）
牛油 15克
砂糖 10克
鹽 4克
溫水 130克
依士 3克
合桃碎 20-35克（我冇用改用提子）
提子 適量（原食譜冇，我自己加）
其他材料：蛋液
做法：
1) 依士與溫水拌勻。
2) 其他材料同放盆內，之後加入依士水，再用手將所有材料攪勻。
3) 將麵糰倒出放在桌上，用手推開麵糰。
4) 將麵糰對摺(令麵糰產生筋性)或用力敲摔麵糰。
5) 再對摺至有筋性及不黏手。
6) 測試麵糰：搓至麵糰表面光滑，用手拉開時成薄膜狀即大功告成。
7) 盆內塗上一層薄固體菜油或溶牛油。
8) 將已搓滑的麵糰放入盆內，蓋上保鮮紙(以防表面乾硬)。
9) 將整盆麵糰放入另一個注入30℃-40℃溫水的盆內，發酵後的麵糰約成原來的2.5-3倍大。
10) 手指測試法：把手指插入根粉中，再將手指慢慢插入已發大的麵糰中，然後取起手指。
11) 若手指離開後麵糰仍留有手指形空隙，即表示第一次發酵完成。
12) 將麵糰分割成8等份。將每份麵糰輕輕拉長 (摺兩摺)。
13) 然後用保鮮紙包好麵糰，鬆弛15分鐘，將麵糰拉長壓扁，後分三折。
14) 取起麵糰一端向上摺一下，再取起麵糰另一端向下摺一下，再向下多摺一下。
15) 將麵糰未端壓爛，捲實成欖形，收口向下。
16) 放在已掃油的焗盆上，蓋上保鮮紙作最後發酵，約30分鐘。
17) 發酵完成後，麵糰約2-2.5倍大，掃上蛋液，放入預熱190-200度焗爐，約焗20-25分鐘。
小貼士：
製作基本麵糰時，合桃碎可在麵糰搓滑後才加入，這樣會比較容易掌握。
薯仔炆雞翼
雞中翼 2磅
薯仔 3個
洋蔥 2個
蒜蓉 適量
蠔油 適量
醃料：
豉油 適量
糖 適量
胡椒粉 適量
生粉 適量
老抽 適量
做法：
1. 將雞中翼醃好後去炸至金黃色。
2. 薯仔去皮切件，拎去炸。
3. 爆香薦蓉後，落雞中翼炒一陣。
4. 加入薯仔、加水至差不多淹蓋鑊中的食物，蓋上鑊蓋。
5. 水滾後關至細火慢慢炆。
6. 炆大約15分配後加入蠔油。
7. 再炆大約5分鐘即成。
貼士：
l 薯仔可以唔炸，炸後令薯仔不易爛。
l 怕熱氣雞翼可以煎，用鹽和糖炒雞中翼至表面熟，就可以。
，可能橙皮落多左，而我&老公就覺得冇咩野，但個香橙骨比我預期中有d失望，下次我會再整好d.....加油！
材料：
一字排骨 468克
醃料：
橙皮 (切粒) 1 茶匙
橙汁 16 湯匙
茄汁 5 湯匙
蠔油 4 湯匙
黃糖 1/2 茶匙
鹽 少許
胡椒粉 少許
麻油 少許
注意：
l 橙皮不要白色部份
l 鹽不用多，因為有蠔油
l 想甜些可以加黃糖
l 要用小火，因為有橙汁&茄汁甜味會好易燶
做法：
1. 將一字排骨用醃料醃10-20分鐘，如果醃1/2小時更好。
2. 在易潔鑊上掃上油，用最小火煎再蓋上鑊蓋，將四邊煎香。
3. 最後可以掃上蜜芽糖或蜜糖。
4. 將剩下的醃料再煮可以做醬汁。
後記：
我用易潔平底鑊煎，但覺得用焗爐烤會好味好多，可能係我功夫未到，我煎出來的效果同烤差好遠！
？